இனி டிஸ்னி+ ஹாட்ஸ்டாரில் மட்டும்தான்; ஐபிஎல் 2025 ஜியோ சினிமாவில் கிடையாது; அப்போ இலவசமா பார்க்க முடியாதா?
செய்தி முன்னோட்டம்
ரிலையன்ஸ் இண்டஸ்ட்ரீஸ் மற்றும் டிஸ்னி இந்தியா இணைவைதைத் தொடர்ந்து, ஐபிஎல் 2025 உட்பட அனைத்து முக்கிய விளையாட்டு நிகழ்வுகளையும் ஜியோ சினிமாவில் இருந்து டிஸ்னி+ ஹாட்ஸ்டாருக்கு மாற்ற கூட்டு நிறுவனம் முடிவு செய்துள்ளது.
இதுதொடர்பாக ராய்ட்டர்ஸில் வெளியான அறிக்கையின்படி, இந்த மாற்றம் தற்போது ஜியோ சினிமாவில் கிடைக்கும் அனைத்து கிரிக்கெட் நிகழ்வுகளையும் உள்ளடக்கும்.
அதே நேரத்தில் டிஸ்னி + ஹாட்ஸ்டார் ஐசிசி போட்டிகளை தொடர்ந்து ஸ்ட்ரீம் செய்யும். இந்த முடிவு இந்தியாவில் உள்ள கிரிக்கெட் மற்றும் விளையாட்டு ரசிகர்களுக்கான ஸ்ட்ரீமிங் குறித்த மூலோபாய மாற்றத்தை எடுத்துக்காட்டுகிறது.
8.5 பில்லியன் அமெரிக்க டாலர்கள் (தோராயமாக ரூ. 71,455 கோடி) மதிப்புள்ள இந்த இணைப்பு பிப்ரவரி 2024இல் நடந்தது.
கூட்டு
டிஸ்னி+ ஹாட்ஸ்டார் மற்றும் ஜியோ சினிமா இணைவின் தாக்கம்
இந்த இணைவின் காரணமாக, தற்போது 120 டிவி சேனல்கள் மற்றும் இரண்டு முக்கிய ஸ்ட்ரீமிங் தளங்களான ஜியோ சினிமா மற்றும் டிஸ்னி+ ஹாட்ஸ்டார் இயங்கும் ஒரு கூட்டு முயற்சி உருவானது.
ஐபிஎல் மற்றும் பிற நிகழ்வுகளுக்கான டிஜிட்டல் உரிமைகளை வைத்திருக்கும் போதிலும், ஜியோ சினிமா இந்த ஸ்போர்ட்ஸ் ஸ்ட்ரீமிங் பணிகளை ஹாட்ஸ்டாரிடம் ஒப்படைக்கும்.
நேரடி உள்ளடக்கம் மற்றும் இலக்கு விளம்பர திறன்களுக்கு அதன் மேம்பட்ட பின்தள தொழில்நுட்பத்தைப் பயன்படுத்துகிறது.
ஹாட்ஸ்டாரின் இந்தியத் தலைவரான சஜித் சிவானந்தன், ஜனவரி 2025க்குள் டிஸ்னி+ ஹாட்ஸ்டாருக்கு லைவ் ஸ்போர்ட்ஸ் ஸ்ட்ரீமிங்கை மாற்றும் திட்டம் குறித்து குழு உறுப்பினர்களுக்குத் தெரிவித்ததாகக் கூறப்படுகிறது.
ஐபிஎல்
ஐபிஎல் போட்டிகளை டிஸ்னி+ ஹாட்ஸ்டாருக்கு மாற்றுவது ஏன்?
ஹாட்ஸ்டாரின் லைவ் ஸ்ட்ரீமிங்கில் ஒருநாள் கிரிக்கெட் உலகக் கோப்பை இறுதிப் போட்டி 50 மில்லியன் பார்வைகளால் நிரூபிக்கப்பட்ட நம்பகத்தன்மையால் இந்த முடிவு எடுக்கப்படுகிறது.
தற்போதைய நிலவரப்படி, ஜியோ சினிமா மற்றும் ஹாட்ஸ்டார் ஆகியவற்றிலிருந்து பொழுதுபோக்கு உள்ளடக்கத்தை ஒருங்கிணைப்பது பற்றி அதிகாரப்பூர்வ உறுதிப்படுத்தல் எதுவும் இல்லை.
இதில் ஏதேனும் ஒரு தளம் செயல்பாடுகளை நிறுத்துமா அல்லது இரண்டும் இயங்குமா என்பது குறித்து தெளிவான தெரியவில்லை.
இதற்கிடையே, நிறுவனங்களின் இணைப்பிற்கான ஒப்புதல் ஆகஸ்ட் 2024இல் இந்தியாவின் போட்டி ஆணையத்தால் வழங்கப்பட்டது.