#RCBUnbox: அணியின் பெயர் மாறவிருக்கிறதை குறிப்பால் உணர்த்திய ரிஷப் ஷெட்டி
ஐபிஎல்2024 தொடருக்கு முன்னதாக ஆர்சிபி அணி தங்களது அணியின் பெயரை மாற்றவுள்ளனர். இதுகுறித்து அந்த அணி இன்று ஒரு வீடியோ வெளியிட்டுள்ளனர். அதில், காந்தாரா படப்புகழ் ரிஷப் ஷெட்டி, சால்வை போர்த்திய 3 மாடுகளை பார்வையிடுகிறார். அந்த சால்வையில், 'ராயல்','சேலஞ்சர்ஸ்' மற்றும் 'பெங்களூர்' என்று தனித்தனியாக எழுதப்பட்டிருக்கிறது. இதில், 'பெங்களூர்' என்ற வார்த்தை பிடிக்கவில்லை என்றுக்கூறி, அந்த மாட்டை விரட்டுவது போன்ற காட்சி இடம் பெற்றுள்ளது. மேலும், நம்மை நோக்கி,"இப்போது புரிகிறதா?"என்று ரிஷப் ஷெட்டி கேட்கிறார். இந்த வீடியோ, வரும் மார்ச்-19ஆம் தேதி அணியில் பெரும் மாற்றம் ஒன்று நிகழவுள்ளதாக தெரிவித்தது. இந்த வீடியோவை வைத்து பார்க்கும்போது, பெங்களூர் என்ற வார்த்தை, பெங்களூரு என மாற்றம் செய்யப்படலாம் என ரசிகர்கள் தெரிவிக்கின்றனர்.
