"பாகிஸ்தான் வீரர்களால் எனது வெற்றியை ஜீரணிக்க முடியவில்லை": முகமது ஷமி
செய்தி முன்னோட்டம்
உலகக் கோப்பையில் மோசடி செய்ததாக பாகிஸ்தான் வீரர்களின் குற்றச்சாட்டுக்கு பதில் அளித்துள்ள முகமது ஷமி, அவர்களால் தனது வெற்றியை ஜீரணிக்க முடியவில்லை என கூறியுள்ளார்.
உலக கோப்பை கிரிக்கெட் போட்டியில் வெறும் 7 போட்டியில் விளையாடி, 24 விக்கெட்டுகளை வீழ்த்திய முகமது ஷமியை, இந்தியாவே கொண்டாடிய நிலையில், பாகிஸ்தானில் இருந்து சில வித்தியாசமான விமர்சனங்கள் வந்தது.
அந்த அணியின் முன்னாள் வீரர் ஹசன் ராசா, ஷமி மற்றும் இந்திய கிரிக்கெட் அணிக்கு வேறு பந்துகள் வழங்கப்பட்டதாகவும், மற்ற அணிகளுக்கு வேறு பந்துகள் வழங்கப்பட்டதாகவும் கூறியிருந்தார்.
இந்தியாவின் உலகக் கோப்பை போட்டியில், முதல் 4 போட்டிகளில் அணியில் இடம்பெறாத ஷமி, ஹர்திக் பாண்டியா காயம் அடைந்ததற்கு பின்னர் அணியில் சேர்க்கப்பட்டது குறிப்பிடத்தக்கது.
2nd card
சரியான நேரத்தில் செயல்படும் வீரர் சிறந்தவர்- ஷமி
பாகிஸ்தான் கிரிக்கெட் அணியின் முன்னாள் வீரரின் கருத்துக்கு, பூமா நிறுவனத்துடனான நேர்காணலில் பதில் அளித்த ஷமி,
"நான் இறைவனிடம் 10 பவுலர்கள் என்னைப்போல சிறப்பாக செயல்பட வேண்டுகிறேன். எனக்கு யாரைப் பார்த்தும் பொறாமை இல்லை. அடுத்தவர்கள் வெற்றியை கொண்டாடும்போது, நீங்கள் சிறப்பான வீரராக மாறுகிறீர்கள்" என்றார்.
"கடந்த 2 நாட்களாக நிறைய கேள்விப்படுகிறேன். ஆரம்ப ஆட்டங்களில் நான் பிளேயிங் லெவனில் இடம்பெறவில்லை."
"நான் அணியில் இடம்பிடித்தபோது 5 விக்கெட்டுகளை வீழ்த்தினேன். அடுத்த இரண்டு ஆட்டங்களில், நான் 4 மற்றும் 5 விக்கெட்டுகளை வீழ்த்தினேன்."
"பாகிஸ்தான் வீரர்கள் சிலரால் எனது வெற்றியை ஜீரணிக்க முடியவில்லை. உண்மையில், அவர்கள் சிறந்தவர்கள் என்று நினைக்கிறார்கள்."
"என்னைப் பொறுத்தவரை, சரியான நேரத்தில் செயல்படும் வீரர் சிறந்தவர்" என்று கூறினார்