'தோனியால் மட்டுமே இந்த அதிசயத்தை நிகழ்த்த முடியும்' " சிஎஸ்கே உரிமையாளர் என்.சீனிவாசன்
செய்தி முன்னோட்டம்
ஐபிஎல் 2023 இறுதிப் போட்டியில் குஜராத் டைட்டன்ஸ் அணிக்கு எதிராக சென்னை சூப்பர் கிங்ஸ் கடைசிப் பந்தில் வென்றது ஒரு அதிசயம் முன்னாள் பிசிசிஐ தலைவருமான என்.சீனிவாசன் தெரிவித்துள்ளார்.
மேலும் ஜாம்பவான் எம்எஸ் தோனியால் மட்டுமே இது போன்ற அதிசயத்தை நிகழ்த்த முடியும் என்று கூறியுள்ளார்.
சென்னையில் உள்ள இந்தியா சிமெண்ட்ஸ் லிமிடெட் ஐபிஎல்லில் சென்னை சூப்பர் கிங்ஸின் முதன்மை ஸ்பான்சராக உள்ளது. என்.சீனிவாசன் இந்தியா சிமெண்ட்ஸ் நிறுவனத்தின் தலைவர் என்பது குறிப்பிடத்தக்கது.
முன்னதாக இந்த போட்டியில் மழை குறுக்கிட்டதால் போட்டி நடக்குமா என்பது கேள்விக்குறியான நிலையில், டக்வொர்த் லூயிஸ் முறைப்படி 15 ஓவர்களில் கடைசி பந்தில் 171 ரன்களை எடுத்து வெற்றி பெற்றது.
n srinivasan invites dhoni and team for celebrations
சென்னை சூப்பர் கிங்ஸ் அணிக்கு என்.சீனிவாசன் வாழ்த்து
என்.சீனிவாசன் சென்னை சூப்பர் கிங்ஸ் கேப்டன் எம்எஸ் தோனிக்கும் அவரது அணிக்கும் வாழ்த்துக்களை தெரிவித்துள்ளார். "அருமையான கேப்டன். நீங்கள் ஒரு அதிசயம் செய்துள்ளீர்கள்.
இதை உங்களால் மட்டுமே செய்ய முடியும். அணிக்காக நாங்கள் பெருமைப்படுகிறோம்" என்று தோனியிடம் சீனிவாசன் கூறினார்.
சமீபத்திய போட்டியக்களில் காலில் காயம் காரணமாக தோனி அவதிப்பட்டு வந்த நிலையில், அவர் விரைவில் குணமடைய ஊக்குவித்தார்.
"இந்த சீசன் ரசிகர்கள் தோனியை எவ்வளவு நேசிக்கிறார்கள் என்பதை வெளிப்படுத்தி உள்ளது. நாமும் அவ்வாறே செய்கிறோம்" என்று சிஎஸ்கே ரசிகர்களின் பாசமழையை குறிப்பிட்டு என்.சீனிவாசன் கூறினார்.
மேலும் சென்னை சூப்பர் கிங்ஸ் அணியின் வெற்றியைக் கொண்டாட அணியுடன் சென்னைக்கு வருமாறு தோனியிடம் அழைப்பு விடுத்துள்ளார்.