தோனி விளையாடுவாரா இல்லையா? இர்பான் பதான் சொல்வது இது தான்!
செய்தி முன்னோட்டம்
எம்எஸ் தோனி தலைமையிலான சென்னை சூப்பர் கிங்ஸ் அணி, ஹர்திக் பாண்டியா தலைமையிலான குஜராத் டைட்டன்ஸ் அணியை தோற்கடித்து, ஐபிஎல் 2023 இறுதிப் போட்டிக்குள் நுழைந்த முதல் அணி என்ற பெருமையைப் பெற்றது.
இதற்கிடையே இந்த தொடரின் ஒவ்வொரு ஆட்டத்தின் போதும், இது தோனியின் கடைசி ஐபிஎல் போட்டியா இல்லையா என்ற யூகங்கள் அதிகரித்து வருகின்றன.
குவாலிஃபையர் 1 போட்டி முடிந்த பிறகு ரசிகர்கள் தோனி தோனி என வெறித்தனமாக கூச்சலிட்டனர்.
இதனால் போட்டிக்கு பிந்தைய உரையாடலில் தோனி சிறிது நேரம் பேசவேண்டியதையே நிறுத்த வேண்டி இருந்தது.
அப்போது ஒவ்வொரு ரசிகரின் மனதிலும் ஒரே ஒரு கேள்விதான் இருந்தது. அது "சேப்பாக்கத்தில் தோனியின் கடைசி போட்டி இதுதானா?" என்பது தான்.
irfan pathan tweet about ms dhoni
எம்எஸ் தோனியின் ஓய்வு குறித்து முன்னாள் வீரர் இர்பான் பதான் ட்வீட்
இந்திய அணியின் முன்னாள் ஆல்ரவுண்டர் இர்பான் பதான் தோனியின் ஓய்வு குறித்து ஒரு ட்வீட் வெளியிட்டுள்ளார்.
அதில், இம்பாக்ட் வீரர் விதி இருப்பதால் இது சேப்பாக்கத்தில் தோனியின் கடைசி இன்னிங்ஸ் அல்ல என்று நம்பலாம் என தெரிவித்துள்ளார்.
இதற்கிடையிலாய் செவ்வாய்க்கிழமை (மே 23) நடந்த முதல் குவாலிஃபையர் போட்டியில் சென்னை சூப்பர் கிங்ஸ் அணி முதலில் பேட்டிங் செய்து 172 ரன்கள் எடுத்தது.
ருதுராஜ் கெய்க்வாட் அதிகபட்சமாக 60 ரன்கள் எடுத்தார்.
அடுத்து பேட்டிங் செய்த குஜராத் டைட்டன்ஸ் அணி 20 ஓவர் முடிவில் 10 விக்கெட்டுகளையும் இழந்து 157 ரன்கள் மட்டுமே எடுத்து தோல்வியைத் தழுவியது.