நோவக் ஜோகோவிச் உடன் டென்னிஸ் விளையாடிய ஸ்டீவ் ஸ்மித்
ஆண்டுதோறும் டென்னிஸ் விளையாட்டின் கிராண்ட்ஸ்லாம் போட்டியான ஆஸ்திரேலிய ஓபன் டென்னிஸ் வரும் 14 ஆம் தேதி ஆஸ்திரேலியாவின் மெல்போர்ன் நகரில் தொடங்குகிறது. இந்த போட்டி வரும் 28ஆம் தேதி வரையில் நடைபெறும். இந்த தொடரில், 10 முறை சாம்பியன் பட்டம் வென்ற செர்பியா நாட்டைச் சேர்ந்த டென்னிஸ் வீரர் நோவக் ஜோகோவிச் விளையாட இருக்கிறார். தற்போது இந்த தொடருக்கான தகுதி சுற்று போட்டிகள் நடந்து வரும் நிலையில், இந்த தொடரை பிரபலப்படுத்தும் விதமாக நோவக் ஜோகோவிச் மற்றும் ஆஸ்திரேலியா கிரிக்கெட் வீரர் ஸ்டீவ் ஸ்மித் இருவரும் இணைந்து அந்த மைதானத்தில் டென்னிஸ் விளையாடினர். அதன் பிறகு, ஸ்மித்துடன் இணைந்து, டென்னிஸ் மைதானத்திலேயே ஜோகோவிச் கிரிக்கெட் விளையாடினார்.
