சவூதி அரேபியாவின் அல் ஹிலால் அணிக்கு இடம் பெயரும் நெய்மர் ஜூனியர்
கிறிஸ்டியானோ ரொனால்டோ உள்ளிட்ட வீரர்களை பின்பற்றி, பிரேசில் அணியின் நட்சத்திர கால்பந்து வீரர் நெய்மர் ஜூனியரும் சவூதி புரோ லீக்கில் இணைய உள்ளார். கிளப் போட்டிகளில் பிஎஸ்ஜி அணிக்காக ஆறு ஆண்டுகளாக விளையாடி வந்த 31 வயதான நெய்மர் ஜூனியர் அல் ஹிலாலுக்கு ரூ.818 கோடிக்கு மாற்றுவதற்கு ஒப்புக்கொண்டார். இதற்காக, திங்கட்கிழமை (ஆகஸ்ட் 14) பாரிஸில் மருத்துவ பரிசோதனையை மேற்கொண்டார். இதையடுத்து புதன்கிழமை (ஆகஸ்ட் 16) அன்று அதிகாரப்பூர்வமாக ஒப்பந்தத்தில் கையெழுத்திட அவர் ரியாத் செல்கிறார். இந்த ஒப்பந்தத்தின்படி, நெய்மர் அல் ஹிலால் அணிக்காக இரண்டு வருடங்கள் விளையாடுவார். எனினும், 2017இல் நெய்மர் அதிகபட்சமாக ரூ.2,019 கோடிக்கு பார்சிலோனாவில் இருந்து பிஎஸ்ஜி அணிக்கு இடம் பெயர்ந்ததுடன் ஒப்பிடும்போது இந்த தொகை மிகவும் குறைவாகும்.