பாகிஸ்தான் டி20 தொடருக்கான நியூசிலாந்து அணி அறிவிப்பு
பாகிஸ்தான் கிரிக்கெட் அணிக்கு எதிராக வரவுள்ள டி20 தொடருக்கான 13 பேர் கொண்ட வீரர்கள் பட்டியலை நியூசிலாந்து கிரிக்கெட் வாரியம் அறிவித்துள்ளது. இந்தியாவில் கடந்த ஆண்டு நடைபெற்ற ஒருநாள் உலகக்கோப்பையின்போது ஏற்பட்ட காயத்தால் ஓரங்கட்டப்பட்ட ஹென்றி, இரண்டு மாதங்களுக்குப் பிறகு டி20 கிரிக்கெட் அணியில் மீண்டும் இந்த அணியில் சேர்க்கப்பட்டுள்ளார். வங்கதேச டெஸ்ட் தொடருக்கு பிறகு ஓய்வில் இருந்த கேன் வில்லியம்சன் மற்றும் டெவன் கான்வே இருவரும் மீண்டும் அணிக்கு திரும்புகின்றனர். எனினும் , கேன் வில்லியம்சன் இன்னும் காயம் குறித்த கவலையில் இருப்பதால், மூன்றாவது போட்டிக்கு மட்டும் அவர் விடுவிக்கப்பட்டு, மிட்செல் சாண்ட்னர் கேப்டனாக செயல்படுவார்.
ராச்சின் ரவீந்திராவுக்கு அணியில் இடமில்லை
கேன் வில்லியம்சன் இல்லாத மூன்றாவது ஆட்டத்தில், நியூசிலாந்து கிரிக்கெட் அணியின் இளம் நட்சத்திர வீரரான ராச்சின் ரவீந்திரா சேர்க்கப்படாதது ஆச்சரியத்தை ஏற்படுத்தி உள்ளது. எனினும், நியூசிலாந்து கிரிக்கெட் வாரியம் ராச்சின் ரவீந்திராவுக்கு அடுத்தடுத்த தொடர்களில் வாய்ப்பு கொடுக்க திட்டமிட்டுள்ளதாகக் கூறப்படுகிறது. பாகிஸ்தான் தொடருக்கான நியூசிலாந்து டி 20 அணி: கேன் வில்லியம்சன் (கேப்டன்) (1,2,4&5வது போட்டிகளில் மட்டும்), ஃபின் ஆலன், மார்க் சாப்மேன், ஜோஷ் கிளார்க்சன் (3வது போட்டிக்கு மட்டும்), டெவன் கான்வே, லாக்கி பெர்குசன் (3,4&5வது போட்டிக்கு மட்டும்), மாட் ஹென்றி, ஆடம் மில்னே, டேரில் மிட்செல், க்ளென் பிலிப்ஸ், மிட்செல் சாண்ட்னர், பென் சியர்ஸ் (முதல் 2 போட்டிகளுக்கு மட்டும்), டிம் சீஃபர்ட், ஈஷ் சோதி, டிம் சவுத்தி.
