ஆப்கானிஸ்தான் மற்றும் இலங்கை டெஸ்ட் தொடருக்கான நியூசிலாந்து அணி அறிவிப்பு
செய்தி முன்னோட்டம்
ஆப்கான் கிரிக்கெட் அணிக்கு எதிரான ஒரு போட்டி மற்றும் இலங்கை கிரிக்கெட் அணிக்கு எதிராக இரண்டு போட்டிகள் என மொத்தம் மூன்று டெஸ்ட் போட்டிகளில் பங்கேற்பதற்கான 15 பேர் கொண்ட வீரர்களின் பட்டியலை நியூசிலாந்து கிரிக்கெட் வாரியம் வெளியிட்டுள்ளது.
வரும் செப்டம்பர் மற்றும் அக்டோபர் மாதங்களில் இலங்கையில் அந்த அணிக்கு எதிராக இரண்டு டெஸ்ட் போட்டிகளில் நியூசிலாந்து கிரிக்கெட் அணி விளையாட உள்ளது.
இந்த இரண்டு டெஸ்ட் போட்டிகளும் உலக டெஸ்ட் சாம்பியன்ஷிப் சுழற்சியின் ஒரு அங்கமாக விளையாடப்படுகிறது. இதற்கு முன்னதாக ஆப்கான் அணிக்கு எதிராக ஒரு டெஸ்ட் போட்டியில் இந்தியாவில் நொய்டாவில் நியூசிலாந்து கிரிக்கெட் அணி விளையாட உள்ளது.
இந்த மூன்று போட்டிகளுக்கும் நியூசிலாந்து அணியின் கேப்டனாக டிம் சவுத்தி செயல்படுவார்.
வீரர்கள் பட்டியல்
நியூசிலாந்து கிரிக்கெட் அணி வீரர்களின் பட்டியல்
ஆப்கானிஸ்தான் மற்றும் இலங்கை டெஸ்ட் போட்டிகளுக்கான நியூசிலாந்து அணி: டிம் சவுத்தி (கேப்டன்), டாம் ப்ளூன்டெல், மைக்கேல் பிரேஸ்வெல், டெவோன் கான்வே, மேட் ஹென்றி, டாம் லாதம் (துணை கேப்டன்), டேரில் மிட்செல், வில் ஓ'ரூர்க், அஜாஸ் பட்டேல், கிளென் பிலிப்ஸ் , ரச்சின் ரவீந்திரா, மிட்செல் சான்ட்னர், பென் சியர்ஸ், கேன் வில்லியம்சன், வில் யங்.
டிம் சவுத்தி கேப்டனாக இருந்தாலும், அவர் டெஸ்ட் போட்டிகளில் சிறப்பாக விளையாடவில்லை என்பதால், இந்த தொடர் டாம் லாதமை கேப்டனாக மாற்றுவதற்கான முன்னோட்டமாக இருக்கும் என அணியின் தலைமை பயிற்சியாளர் கேரி ஸ்டெட் தெரிவித்துள்ளார்.
இதற்கிடையே, இந்த தொடர்களை முடித்துக் கொண்டு, இந்தியாவுக்கு எதிராக மூன்று போட்டிகள் கொண்ட தொடரிலும் விளையாட உள்ளது குறிப்பிடத்தக்கது.
ட்விட்டர் அஞ்சல்
நியூசிலாந்து கிரிக்கெட் வாரியம் அறிவிப்பு
The squad covers the one-off Test against @ACBofficials in India and two ICC World Test Championship against @OfficialSLC in Sri Lanka next month.
— BLACKCAPS (@BLACKCAPS) August 12, 2024
Read more | https://t.co/RB8qXPJuDS #AFGvNZ #SLvNZ pic.twitter.com/pKoxwtKFqF