வாங்கடே மைதானத்திலிருந்து 68 கிமீ தூரத்தில் அமையவுள்ள 1 லட்சம் கொள்ளளவு கொண்ட புதிய ஸ்டேடியம்
மகாராஷ்டிராவில் அதிநவீன கிரிக்கெட் ஸ்டேடியம் கட்ட வேண்டும் என்று மகாராஷ்டிர துணை முதல்வர் தேவேந்திர ஃபட்னாவிஸ், முதல்வர் ஏக்நாத் ஷிண்டேவிடம் கோரிக்கை விடுத்தார். இதனையடுத்து, புகழ்பெற்ற வான்கடே மைதானத்தில் இருந்து சுமார் 68கிமீ தொலைவில் உள்ள தானே மாவட்டத்தில் உள்ள அமானே கிராமத்தில் இந்த மைதானம் கட்டப்பட உள்ளது. இந்த புதிய ஸ்டேடியத்தின் கொள்ளளவு 1 லட்சத்துக்கும் அதிகமாக இருக்கும். இந்தியாவில் மட்டுமின்றி உலகிலேயே மிகப்பெரிய மைதானங்களில் ஒன்றாக இது அமையும் எனவும் தெரிவிக்கப்பட்டுள்ளது. இந்த புதிய ஸ்டேடியத்தை கட்டும் பணியை மும்பை கிரிக்கெட் சங்கம் மேற்கொள்ளும். "இந்த மைதானம் இரண்டு ஆடுகள வசதிகளுடன் நிரப்பப்படும். அவை முதல் தர விளையாட்டுகளுக்கு மட்டுமே பயன்படுத்தப்படும்" என்று டைம்ஸ் அஃப் இந்தியா செய்தி வெளியிட்டுள்ளது.