மலேசியா மாஸ்டர்ஸ் 2023 : பிவி சிந்து, பிரணாய் எச்.எஸ். காலிறுதிக்கு முன்னேற்றம்!
கோலாலம்பூரில் நடைபெற்று வரும் மலேசியா மாஸ்டர்ஸ் 2023ல் வியாழன் (மே 25) அன்று இந்தியாவின் முன்னணி ஆடவர் மற்றும் மகளிர் ஒற்றையர் பேட்மிண்டன் வீரர்களான பிரணாய் எச்.எஸ். மற்றும் பிவி சிந்து காலிறுதிக்குள் நுழைந்துள்ளனர். பிரணாய் காலிறுதிக்கு முந்தைய சுற்றில் 13-21, 21-16, 21-11 என்ற செட் கணக்கில் ஆல் இங்கிலாந்து சாம்பியனான சீனாவின் லி ஷி ஃபெங்கை தோற்கடித்தார். வெள்ளிக்கிழமை (மே 26) காலிறுதியில் ஜப்பானின் கென்டா நிஷிமோட்டோவை எதிர்கொள்கிறார். இதற்கிடையே இரட்டை ஒலிம்பிக் பதக்கம் வென்ற பிவி சிந்து, 40 நிமிடங்களில் ஜப்பானின் அயா ஓஹோரியை 21-16, 21-11 என்ற செட் கணக்கில் வீழ்த்தி காலிறுதிக்கு முன்னேறினார். காலிறுதியில் சீனாவின் ஜாங் யி மானை எதிர்த்து விளையாட உள்ளார்.