2026 மகளிர் டி20 உலகக்கோப்பையை நடத்தும் மைதானம் இதுதான்; ஐசிசி அறிவிப்பு
செய்தி முன்னோட்டம்
ஐசிசி மகளிர் டி20 உலகக்கோப்பை 2026 இறுதிப் போட்டியை லார்ட்ஸ் மைதானம் நடத்தும் என்று சர்வதேச கிரிக்கெட் கவுன்சில் (ஐசிசி) உறுதிப்படுத்தியுள்ளது. இது ஜூலை 5 ஆம் தேதி திட்டமிடப்பட்டுள்ளது.
வியாழக்கிழமை (மே 1) வெளியிடப்பட்ட இந்த அறிவிப்பு, மகளிர் கிரிக்கெட்டுக்கு மற்றொரு மைல்கல்லாக அமைகிறது, ஏனெனில் இந்த போட்டி 12 அணிகளையும் மொத்தம் 33 போட்டிகளையும் உள்ளடக்கியதாக நடத்தப்பட உள்ளது.
2026 ஜூன் 12 ஆம் தேதி போட்டி இந்த உலகக்கோப்பை தொடர் தொடங்கும், இங்கிலாந்தின் லார்ட்ஸ், ஓல்ட் டிராஃபோர்ட், ஹெடிங்லி, எட்ஜ்பாஸ்டன், தி ஓவல், ஹாம்ப்ஷயர் பவுல் மற்றும் பிரிஸ்டல் கவுண்டி மைதானம் என ஏழு புகழ்பெற்ற இடங்களில் போட்டிகள் நடைபெற உள்ளன.
இரண்டாவது முறை
இரண்டாவது முறையாக மகளிர் உலகக்கோப்பை இறுதிப்போட்டியை நடத்தும் லார்ட்ஸ்
உலகளவில் பெண்கள் கிரிக்கெட்டின் பிம்பத்தை உயர்த்த உதவிய 2017 ஒருநாள் கிரிக்கெட் உலகக்கோப்பை இறுதிப் போட்டிக்குப் பிறகு, லார்ட்ஸ் மகளிர் உலகக் கோப்பை இறுதிப் போட்டியை நடத்துவது இது இரண்டாவது முறையாகும்.
ஆஸ்திரேலியா, இங்கிலாந்து, இந்தியா, நியூசிலாந்து, தென்னாப்பிரிக்கா, மேற்கிந்திய தீவுகள், பாகிஸ்தான் மற்றும் வங்கதேசம் ஆகிய எட்டு அணிகள் ஏற்கனவே தகுதி பெற்றுள்ளன.
ஐசிசி மகளிர் டி20 உலகக் கோப்பை தகுதிச் சுற்றில் இருந்து எஞ்சிய நான்கு அணிகள் தேர்வாகும்.
ஐசிசி தலைவர் ஜெய் ஷா, போட்டி இங்கிலாந்துக்கு திரும்புவது குறித்து உற்சாகத்தை வெளிப்படுத்தினார்.
பெண்கள் கிரிக்கெட்டை மேலும் வளர்க்கவும், 2028 லாஸ் ஏஞ்சல்ஸ் ஒலிம்பிக்கில் அதைச் சேர்ப்பதை ஆதரிக்கவும் இதன் திறனைக் குறிப்பிட்டார்.