ஐபிஎல் 2023 : ராயல் சேலஞ்சர்ஸ் பெங்களூர் vs லக்னோ சூப்பர் ஜெயன்ட்ஸ் இன்று மோதல்
ஐபிஎல் 2023 சீசனின் 15வது போட்டியில் லக்னோ சூப்பர் ஜெயண்ட்ஸை (எல்எஸ்ஜி) எதிர்கொள்ள ராயல் சேலஞ்சர்ஸ் பெங்களூர் (ஆர்சிபி) தயாராகி வருகிறது. இரு அணிகளும் இதுவரை 2 முறை மட்டுமே நேருக்கு நேர் மோதியுள்ளன. இதில் ஆர்சிபி அணியே இரண்டு முறையும் வெற்றி பெற்றுள்ளது. இதற்கிடையே நடப்பு சீசனில் எல்எஸ்ஜி அணி 3 போட்டிகளில் விளையாடியுள்ள நிலையில், சென்னை சூப்பர் கிங்ஸ் அணியிடம் தோல்வியைத் தழுவி இருந்தாலும், மற்ற 2 போட்டிகளில் வெற்றி பெற்று புள்ளிப்பட்டியலில் 3வது இடத்தில் உள்ளது. மறுபுறம் ஆர்சிபி 2 போட்டிகளில் விளையாடி தலா ஒரு வெற்றி, தோல்வியுடன் 7வது இடத்தில் உள்ளது.
எதிர்பார்க்கப்படும் பிளேயிங் 11
பெங்களூரில் உள்ள எம் சின்னசாமி மைதானத்தில் திங்கட்கிழமை (ஏப்ரல் 10) இரவு 7.30 மணிக்கு போட்டி நடைபெறவுள்ளது. எதிர்பார்க்கப்படும் விளையாடும் 11 வீரர்களின் பட்டியல் பின்வருமாறு:- ஆர்சிபி : விராட் கோலி, பாப் டு பிளெசிஸ் (கேப்டன்), தினேஷ் கார்த்திக், கிளென் மேக்ஸ்வெல், மைக்கேல் பிரேஸ்வெல், ஷாபாஸ் அகமது, டேவிட் வில்லி, கர்ண் ஷர்மா, ஹர்ஷல் படேல், ஆகாஷ் தீப் மற்றும் முகமது சிராஜ். எல்எஸ்ஜி : கே.எல்.ராகுல் (கேப்டன்), குயின்டன் டி காக், தீபக் ஹூடா, நிக்கோலஸ் பூரன், மார்கஸ் ஸ்டோனிஸ், க்ருனால் பாண்டியா, அமித் மிஸ்ரா, அவேஷ் கான், யாஷ் தாக்கூர், மார்க் வூட் மற்றும் ரவி பிஷ்னோய்.
இந்த காலவரிசையைப் பகிரவும்