டி20 உலகக்கோப்பை: சூப்பர் 8-இல் இன்று ஆப்கானிஸ்தானுடன் மோதும் இந்தியா
தற்போது நடைபெற்றுவரும் ஐசிசி டி 20 உலகக் கோப்பை கிரிக்கெட் தொடரின் சூப்பர் 8 சுற்று பார்படாஸில் நடைபெறவுள்ளது. இன்று இரவு 8 மணிக்கு நடைபெறும் போட்டியில் ரோஹித் ஷர்மா தலைமையிலான இந்திய அணி, ஆப்கானிஸ்தான் அணியுடன் மோதவுள்ளது. இது வரை நடைபெற்ற போட்டிகள் கிட்டத்தட்ட அனைத்திலும் வெற்றியையே பார்த்த இந்தியா அணி, வலுவாக முன்னேறி வரும் ஆப்கானிஸ்தான் அணியையும் வெல்லுமா என பலரும் ஆவலுடன் எதிர்பார்த்துக்கொண்டிருக்கின்றனர். இந்த நிலையில், இன்றைய போட்டியில் இந்திய அணி கூடுதலாக ஒரு சுழற்பந்து வீச்சாளருடன் களமிறங்கக்கூடும் என செய்திகள் தெரிவிக்கின்றனர். அதன்படி, முகமது சிராஜிற்கு பதிலாக குல்தீப் யாதவ் இணைவார் எனவும் கூறப்படுகிறது.