'அடுத்த ஐபிஎல்லிலும் விளையாடுவேன்' : ஓய்வு குறித்த கேள்விக்கு எம்எஸ் தோனி நறுக் பதில்
செய்தி முன்னோட்டம்
அகமதாபாத்தில் உள்ள நரேந்திர மோடி ஸ்டேடியத்தில் சென்னை சூப்பர் கிங்ஸ் ஐந்தாவது பட்டத்தை வென்ற பிறகு, ஐபிஎல்லில் இருந்து தான் ஓய்வு பெறவில்லை என்பதை எம்எஸ் தோனி உறுதிப்படுத்தினார்.
தோனி இந்த சீசனுடன் ஓய்வு பெறுவதாக அறிவிக்கவில்லை என்றாலும், அவர் நிச்சயம் விடைபெறுவார் என்றே பலரும் நம்பினர்.
ஐபிஎல் 2023 பட்டத்தை வென்றபிறகு, தோனி தனது பேட்டியில் இதை அறிவிப்பார் என எதிர்பார்க்கப்பட்ட நிலையில், அவர் அடுத்த ஆண்டும் ஐபிஎல்லில் விளையாடும் என்பதை உறுதி செய்துள்ளார்.
முன்னதாக, ஐபிஎல் 2023 தொடருக்கு மத்தியில் முன்னாள் சென்னை சூப்பர் கிங்ஸ் வீரர் சுரேஷ் ரெய்னா, இந்த சீசனில் ஐபிஎல் தொடரை வென்று இன்னும் ஒரு வருடம் விளையாடுவேன் என்று தோனி தன்னிடம் கூறியதாக தெரிவித்திருந்தார்.
ms dhoni statement about retirement
போட்டிக்கு பிந்தைய பேட்டியில் ஓய்வு குறித்து பேசிய எம்எஸ் தோனி
எம்எஸ் தோனியிடம் வர்ணனையாளர் ஹர்ஷா போக்லே கேள்வி கேட்டபோது, ஓய்வு ஊகங்களுக்கு முற்றுப்புள்ளி வைக்கும் வகையில் வெளிப்படையாக பதில்அளித்தார்.
தோனி தனது பதிலில், "உண்மையில் என் ஓய்வை அறிவிப்பதற்கு இதுவே சிறந்த நேரம். ஆனால் நான் பெற்ற அன்பின் அளவு.
இங்கிருந்து விலகிச் செல்வது எளிதான விஷயம் அல்ல. கடினமான விஷயம் தான் என்றாலும், அடுத்த 8 மாதங்கள் கடுமையாக பயிற்சி செய்து மற்றொரு ஐபிஎல் தொடரில் விளையாட முயற்சி செய்வேன்." என்று கூறினார்.
இதனால் எம்எஸ் தோனியை 2024 சீசனிலும், சென்னை சூப்பர் கிங்ஸ் ஜெர்சியுடன் களத்தில் பார்க்கலாம் என்பதால் ரசிகர்கள் மகிழ்ச்சியில் உள்ளனர்.