ஐபிஎல் வரலாற்றில் குறைந்த டாட் பால்கள்; சன்ரைசர்ஸ் அணியின் சாதனையை சமன் செய்தது குஜராத் டைட்டன்ஸ்
செய்தி முன்னோட்டம்
வெள்ளிக்கிழமை (மே 2) அகமதாபாத்தில் உள்ள நரேந்திர மோடி ஸ்டேடியத்தில் நடந்த ஐபிஎல் 2025 இன் 51வது போட்டியில், சன்ரைசர்ஸ் ஹைதராபாத்தை 38 ரன்கள் வித்தியாசத்தில் வீழ்த்தி குஜராத் டைட்டன்ஸ் அணி வெற்றி பெற்றது.
சவாலான கருப்பு மண் மைதானத்தில், குஜராத் டைட்டன்ஸ் அணியின் டாப் ஆர்டர் மற்றும் ஒழுக்கமான பந்துவீச்சு பிரிவு அணியின் வெற்றியில் முக்கிய பங்கு வகித்தது.
முதலில் பேட்டிங் செய்த குஜராத் அணி, 224/6 என்ற அபாரமான ரன்களை குவித்தது.
ஷுப்மன் கில் 38 பந்துகளில் 76 ரன்கள் எடுத்து தனது சிறந்த ஃபார்மைத் தொடர்ந்தார், சாய் சுதர்சன் 48 ரன்கள் சேர்த்தார்.
ஜோஸ் பட்லர் 37 பந்துகளில் 64 ரன்கள் எடுத்து அணியின் வேகத்தைத் தக்க வைத்தார்.
சாதனை
டாட் பால்களில் சாதனை
இந்த சிறப்பான பேட்டிங்கின் மூலம், குஜராத் டைட்டன்ஸ் அணி தனது இன்னிங்ஸில் 22 டாட் பால்களை மட்டுமே எதிர்கொண்டது.
இதன் மூலம், ஐபிஎல் வரலாற்றில் ஒரு இன்னிங்ஸில் குறைந்த சாட் பால்களை எதிர்கொண்ட சன்ரைசர்ஸ் ஹைதராபாத் அணியின் சாதனையை சமன் செய்துள்ளது.
முன்னதாக, 2024 ஆம் ஆண்டு மும்பை இந்தியன்ஸுக்கு எதிராக சன்ரைசர்ஸ் ஹைதராபாத் அணி 20 ஓவர் இன்னிங்ஸில் 22 டாட் பால்களுடன் மிகக் குறைந்த டாட் பால்களை எதிர்கொண்ட சாதனையை செய்தது குறிப்பிடத்தக்கது.
இதற்கிடையே, குஜராத் டைட்டன்ஸ் அணி இந்த போட்டியில் 38 ரன்கள் வித்தியாசத்தில் வெற்றி பெற்று, புள்ளிகள் பட்டியலில் இரண்டாவது இடத்திற்கு முன்னேறியுள்ளது.