கள்ளச்சந்தையில் விற்கப்படும் உலகக்கோப்பை கிரிக்கெட் போட்டி டிக்கெட்டுகள்
செய்தி முன்னோட்டம்
உலககோப்பை கிரிக்கெட் போட்டிகள் விரைவில் தொடங்கவுள்ளன. இந்த வருடம் இந்தியாவில் நடைபெறவுள்ள இந்த போட்டிக்கான டிக்கெட் விற்பனை தொடங்கி விட்டது.
இந்நிலையில், கள்ளச்சந்தையில், இந்த தொடரின் முக்கிய போட்டிகளுக்கான டிக்கெட்டுகள் விற்பனை செய்யப்படுகிறது என்றும், அவற்றின் விலையையும் கேட்டு, ரசிகர்கள் அதிர்ச்சியடைந்துள்ளனர்.
இந்தியா - பாகிஸ்தான் போட்டிக்கான சவுத் பிரீமியம், வெஸ்ட் பே டிக்கட், Viagogo வேண்டப்படும் ஒன்லைன் விளையாட்டு தளத்தில் ரூ.19,51,580க்கு விற்கப்படுகிறது.
கிரிக்கெட் போட்டிகளின் அதிகாரபூர்வ டிக்கெட் பார்ட்னரான Bookmyshow.com இல் டிக்கெட் விற்பனை தொடங்கிய சில மணித்துளிகளிலேயே விற்று தீர்ந்தது குறிப்பிடத்தக்கது.
card 2
13-வது உலகக்கோப்பை கிரிக்கெட் தொடர்
உலகம் முழுவதும் உள்ள கிரிக்கெட் ரசிகர்கள் ஆவலுடன் எதிர்பார்க்கும் 13-வது உலகக்கோப்பை கிரிக்கெட் தொடர், வரும் அக்டோபர் 5-ஆம் தேதி முதல் நவம்பர் 19-ஆம் தேதி வரை நடைபெறுகிறது.
இந்தியா - பாகிஸ்தான் போட்டிகளுக்கு மிகுந்த எதிர்பார்ப்பு இருக்கும் அதே நேரத்தில், இந்தியா- ஆஸ்திரேலியா போட்டிகளுக்கும் எதிர்பார்ப்பு அதிகமாகவே உள்ளது.
சென்னையில் நடைபெற உள்ள இந்த இந்தியா-ஆஸ்திரேலியா போட்டிக்கான டிக்கெட்டுகள் ரூ. 66 ஆயிரம் முதல் ரூ.1லட்சத்து 66 ஆயிரம் வரை கள்ளச்சந்தையில் விற்பனை செய்யப்படுவதாகவும் தகவல் வெளியாகியுள்ளது.
மேலே குறிப்பிட்ட அதே தளத்தில், அக்டோபர் 5 அன்று நரேந்திர மோடி ஸ்டேடியத்தில் நடைபெறவுள்ள, இங்கிலாந்து- நியூசிலாந்து போட்டிக்கான சவுத் பிரீமியம் வெஸ்ட் பேயின் டிக்கெட்டுகளும் விற்பனை செய்யப்படுகிறது என செய்திகள் கூறுகின்றன.