உலக டெஸ்ட் சாம்பியன்ஷிப்பை இந்தியா வெல்லுமா? சச்சின் சொல்வது இது தான்
செய்தி முன்னோட்டம்
இந்தியாவில் பார்டர்-கவாஸ்கர் கோப்பையை 2-1 என்ற கணக்கில் வென்ற இந்திய அணி இரண்டாவது முறையாக உலக டெஸ்ட் சாம்பியன்ஷிப் இறுதிப்போட்டிக்கு தகுதி பெற்றுள்ளது.
உலக டெஸ்ட் சாம்பியன்ஷிப் இறுதிப்போட்டி வரும் ஜூன் மாதம் ஓவலில் நடக்க உள்ள நிலையில், இந்திய அணி ஆஸ்திரேலியாவை எதிர்கொள்கிறது.
முன்னதாக, நான்கு போட்டிகள் கொண்ட தொடரின் இறுதி ஆட்டம் டிராவில் முடிந்த நிலையில், நியூசிலாந்து இலங்கையை 2 விக்கெட் வித்தியாசத்தில் தோற்கடித்ததன் மூலம் இறுதிப்போட்டி வாய்ப்பை இந்தியா உறுதி செய்தது.
மார்ச் 31ஆம் தேதி முதல் ஐபிஎல் தொடர் நடக்கும் நிலையில், டெஸ்ட் சாம்பியன்ஷிப் இறுதிப் போட்டிக்கு இந்திய வீரர்கள் எப்படி தயாராவார்கள் என பலரும் கேள்வி எழுப்பி வரும் நிலையில், சச்சின் டெண்டுல்கர் நேர்மறையாக பேசியுள்ளார்.
சச்சின் டெண்டுல்கர்
சச்சின் டெண்டுல்கர் பேசியதன் முழு விபரம்
சச்சின் டெண்டுல்கர் இந்தியா டுடே கான்க்ளேவ் 2023 இல் பேசியதன் முழு விபரம் பின்வருமாறு :-
நாம் நன்றாக விளையாடியுள்ளோம், நம்மிடம் ஒரு நல்ல சமநிலையான அணி உள்ளது.
ஒரு கேப்டனுக்கு சமநிலையை சரியாகப் பெற அணியில் கூடுதல் சுழற்பந்து வீச்சாளர்கள் இருப்பது சற்று சவாலானதாக இருக்கும்.
ஐபிஎல் டி20 தொடர் முடிந்த பிறகு உலக டெஸ்ட் சாம்பியன்ஷிப்பிற்கு தயாராக ஒரு வாரமே இருந்தாலும், சூழலுக்கு ஏற்ப தங்களை தகவமைத்துக் கொள்வார்கள்.
இந்திய அணி கோப்பையை வெல்ல அதிக வாய்ப்பு உள்ளது. ஆனால் அணியில் சரியான காம்போவில் வீரர்கள் தேர்வு செய்யப்பட வேண்டும்.
இவ்வாறு அவர் கூறினார்.