ஆஸ்திரேலியா vs பாகிஸ்தான் 3வது டெஸ்ட் : விளையாடும் லெவனில் மாற்றம் செய்யாத ஆஸ்திரேலியா
புதன்கிழமை (ஜனவரி 3) தொடங்க உள்ள பாகிஸ்தானுக்கு எதிரான புத்தாண்டு டெஸ்டில் ஆஸ்திரேலிய கிரிக்கெட் அணியின் விளையாடும் லெவனை கேப்டன் பாட் கம்மின்ஸ் அறிவித்தார். போட்டிக்கு முந்தைய ஊடக சந்திப்பின் போது செய்தியாளர்களிடம் பேசிய கம்மின்ஸ் இந்த அறிவிப்பை வெளியிட்டார். முந்தைய போட்டியில் விளையாடிய வேகப்பந்து வீச்சாளர் ஸ்காட் போலண்ட் நீக்கப்பட்டு வேறு ஒருவர் சேர்க்கப்படுவார் என எதிர்பார்க்கப்பட்ட நிலையில், பாட் கம்மின்ஸ் அதை நிராகரித்துள்ளார். தற்போது அணியில் உள்ள மூன்று வேகப்பந்து வீச்சாளர்களும் நன்றாக ஆடியுள்ளனர் என்பதால், அவர்களுடனேயே களமிறங்க உள்ளதாக அவர் மேலும் கூறினார். இதையடுத்து, முந்தைய டெஸ்ட் கிரிக்கெட் போட்டியில் விளையாடிய அதே விளையாடும் லெவன் அணியுடன் ஆஸ்திரேலியா களமிறங்க உள்ளது.
சிட்னி டெஸ்ட்டிற்கான வீரர்களின் பட்டியல்
ஆஸ்திரேலியா (விளையாடும் XI) : பாட் கம்மின்ஸ், ஸ்காட் போலண்ட், அலெக்ஸ் கேரி, கேமரூன் கிரீன், ஜோஷ் ஹேசில்வுட், டிராவிஸ் ஹெட், உஸ்மான் கவாஜா, மார்னஸ் லாபுசாக்னே, நாதன் லியோன், மிட்செல் மார்ஷ், ஸ்டீவ் ஸ்மித், மிட்செல் ஸ்டார்க், டேவிட் வார்னர் பாகிஸ்தான் அணி : ஷான் மசூத், அமீர் ஜமால், அப்துல்லா ஷபீக், அப்ரார் அகமது, பாபர் அசாம், ஃபஹீம் அஷ்ரஃப், ஹசன் அலி, இமாம்-உல்-ஹக், மிர் ஹம்சா, முகமது நவாஸ், முகமது ரிஸ்வான், முகமது வாசிம் ஜூனியர், சைம் அயூப், சல்மான் அலி ஆகா, சர்பராஸ் அகமது, சவுத் ஷகீல் மற்றும் ஷஹீன் ஷா அப்ரிடி. பாகிஸ்தான் கிரிக்கெட் அணியின் விளையாடும் லெவன் டாஸ் போடும்போது அறிவிக்கப்படும் என்பது குறிப்பிடத்தக்கது.
