சென்னையில் துவங்கும் ஆசிய சாம்பியன்ஸ் ஹாக்கி போட்டி - 6 அணிகள் பங்கேற்பு
செய்தி முன்னோட்டம்
ஆசிய சாம்பியன்ஸ் கோப்பை ஹாக்கி ஆடவர் போட்டி இன்று(ஆகஸ்ட்.,3)சென்னை எழும்பூர் பகுதியிலுள்ள மேயர் ராதாகிருஷ்ணன் ஸ்டேடியத்தில் துவங்கி வரும் 12ம்தேதி வரை நடக்கவுள்ளது என்று அறிவிக்கப்பட்டுள்ளது.
இந்த ஆசிய சாம்பியன்ஷிப் ஹாக்கி ஆடவர் போட்டியில் இந்தியா, பாகிஸ்தான், மலேசியா, ஜப்பான், சீனா, தென்கொரியா உள்ளிட்ட 6 நாட்டின் அணிகள் பங்கேற்கவுள்ளனர்.
அதன்படி, இன்று நடக்கும் முதல் நாள் போட்டியில் தென்கொரியா-ஜப்பான் அணிகள் மோதவுள்ளன.
இப்போட்டி இன்று மாலை 4 மணிக்கு துவங்கும் நிலையில், மாலை 6.15 மணிக்கு துவங்கும் 2ம் லீக்-போட்டியில் மலேசியா-பாகிஸ்தான் அணிகள் மோதுகின்றன என்று கூறப்படுகிறது.
இதனையடுத்து துவங்கும் 3ம் லீக்-போட்டியில் உலகத்தர வரிசையில் 25ம் இடத்தினை பிடித்துள்ள சீனாவும், 4வது இடத்திலுள்ள இந்தியாவும் மோதுகின்றன என்றும் அறிவிப்பு வெளியாகியுள்ளது.
ஹாக்கி போட்டி
போட்டிக்கான டிக்கெட்டுகள் ஆன்லைன் மூலம் விற்பனை
16ஆண்டுகளுக்கு பின்னர் சென்னையில் நடக்கும் இந்த போட்டியினை இந்தியாவுடன் இணைந்து தமிழக அரசு நடத்துகிறது.
இப்போட்டிக்கான டிக்கெட்டுகள் ஆன்லைன் மூலம் விற்பனை செய்யப்படும் நிலையில், ஒரு நாளில் நடக்கும் அனைத்து போட்டிகளையும் காண ரூ.300ல்-இருந்து ரூ.400வரை கட்டணமாக வசூலிக்கப்படுகிறது.
மேலும், இந்த போட்டியினை காண தமிழக அரசு பள்ளி மாணவர்களுக்கு சிறப்பு ஏற்பாடு செய்யப்பட்டுள்ளதாக விளையாட்டுத்துறை அமைச்சர் உதயநிதி ஸ்டாலின் தெரிவித்துள்ளார்.
ஐபிஎல்-கிரிக்கெட்'ஃபேன்பார்க்'போல் தமிழகம் முழுவதும் 40 இடங்களில் இப்போட்டியினை காண மெகா திரைகள் அமைக்கவும் ஏற்பாடு செய்யப்பட்டுள்ளதாக கூறியுள்ளார்.
வரும் செப்டம்பர் 23ல் இருந்து அக்டோபர் 8ம்தேதி வரை பாரிஸ் ஒலிம்பிக் போட்டிக்கு தகுதிப்பெறும் சுற்றாக சீனாவில் ஆசிய விளையாட்டுப்போட்டி அரங்கேறவுள்ள நிலையில் இந்த சாம்பியன்ஷிப் போட்டி முக்கியத்துவம் வாய்ந்ததாக பார்க்கப்படுகிறது.