700 முதல்தர விக்கெட்டுகள், ஆஸ்திரேலியாவுக்கு எதிராக 100 விக்கெட்டுகள் : அஸ்வின் சாதனை!
டெல்லியில் நடைபெற்று வரும் ஆஸ்திரேலியாவுக்கு எதிரான இரண்டாவது டெஸ்ட் போட்டியின் முதல் நாள் ஆட்டத்தில் இந்திய ஆஃப் ஸ்பின்னர் ரவிச்சந்திரன் அஸ்வின் 700 முதல் தர விக்கெட்டுகளை கடந்து சாதனை படைத்தார். 36 வயதான மார்னஸ் லாபுஷாக்னேவை (18) வீழ்த்தி அவர் இந்த சாதனையை படைத்த்துள்ளார். மேலும் கேரியை அவுட்டாக்கியதன் மூலம் ஆஸ்திரேலியாவுக்கு எதிராக 100 டெஸ்ட் விக்கெட்டுகளை எடுத்த இரண்டாவது இந்தியர் என்ற பெருமையையும் பெற்றுள்ளார். இதற்கு முன்பாக அனில் கும்ப்ளே இந்த சாதனையை நிகழ்த்தியுள்ளார். அவர் ஆஸ்திரேலியாவுக்கு எதிராக 111 டெஸ்ட் விக்கெட்டுகளை கைப்பற்றியுள்ளார். மேலும் ஒரு அணிக்கு எதிராக அதிக டெஸ்ட் விக்கெட்களை எடுத்த வீரர்களின் பட்டியலில் கபில்தேவை (99 விக்கெட்டுகள்) பின்னுக்குத் தள்ளி இரண்டாவது இடம் பிடித்துள்ளார்.
