கேன் வில்லியம்சனுக்கு மாற்று வீரர் யார்? முடிவெடுக்க முடியாமல் திணறும் குஜராத் டைட்டன்ஸ்
செய்தி முன்னோட்டம்
கேன் வில்லியம்சன் 2023 இந்தியன் பிரீமியர் லீக்கில் (ஐபிஎல்) இருந்து நீக்கப்பட்ட நிலையில், குஜராத் டைட்டன்ஸ் அவருக்கு மாற்று வீரராக யாரை சேர்ப்பது என்பதில் குழப்பத்தில் உள்ளது. முன்னதாக, மார்ச் 31 அன்று சென்னை சூப்பர் கிங்ஸுக்கு எதிரான சீசனின் தொடக்க ஆட்டத்தின் போது, பீல்டிங் செய்கையில் முழங்காலில் காயம் ஏற்பட்டது. அவர் உடனடியாக மைதானத்திலிருந்து சிகிச்சைக்காக வெளியேற்றப்பட்ட நிலையில், ஏப்ரல் 2 அன்று தொடரிலிருந்து விலக்கப்படுவதாக குஜராத் டைட்டன்ஸ் அதிகாரப்பூர்வமாக அறிவித்தது. இந்நிலையில், வில்லியம்சனுக்கு மாற்றாக டேவிட் மலான், டிராவிஸ் ஹெட் மற்றும் ஜேசன் ராய் ஆகிய மூன்று வீரர்களின் பெயர்கள் அடிபடுகிறது.
கேன் வில்லியம்சன்
கேன் வில்லியம்சனுக்கு மாற்று வீரர் இந்த மூன்று பேரில் ஒருவரா?
டி20 தரவரிசையில் சில காலம் முதலிடத்தில் இருந்த டேவிட் மலான் இங்கிலாந்து டி20 அணியில் முக்கிய அங்கம் வகித்துள்ளார். தொடர்ந்து சிறப்பாக ரன் குவிப்பதற்காகவே அறியப்பட்டு வரும் மலான், கேன் வில்லியம்சனுக்கு சிறந்த மாற்றாக இருக்க முடியும். ஆஸ்திரேலிய அணியின் அனைத்து வடிவ கிரிக்கெட்டிலும் முக்கிய அங்கமாக உள்ள டிராவிஸ் ஹெட் பேட்டிங் மட்டுமல்லாது பகுதி நேர ஆஃப் ஸ்பின் மூலம் அணிக்கு இரு வகையிலும் பங்களிக்க முடியும். இதற்கிடையே மற்றொரு வீரரான ஜேசன் ராய் சர்வதேச அரங்கில் தனது திறமையை நிரூபித்துள்ளதோடு, கடந்த சீசனில் குஜராத் டைட்டன்ஸ் அணியில் இடம் பெற்று 329 ரன்கள் குவித்துள்ளார். இந்த மூன்று பேரில் ஒரு வீரர் கேன் வில்லியம்சனுக்கு பதிலாக களமிறங்க வாய்ப்புள்ளதாக கூறப்படுகிறது.