போன்பே நிறுவனத்துடனான ஒப்பந்தம் தோல்வி - பணிநீக்கத்தில் இறங்கிய Zestmoney
பெங்களூருவை தளமாக கொண்ட Zestmoney நிறுவனம் போன்பே நிறுவனத்துடன் போடப்பட்ட ஒப்பந்தம் பின்னடைவு ஏற்பட்டதால் Zestmoney, 20 சதவீத ஊழியர்களை பணிநீக்கம் செய்ய உள்ளதாக தெரிவித்துள்ளது. எனவே இந்த பணிநீக்க நடவடிக்கையால் 100-க்கும் மேற்பட்ட ஊழியர்கள் வேலை இழக்கும் அபாயம் ஏற்பட்டதாகவும் அந்நிறுவனம் கூறியுள்ளது. ZestMoney நிறுவனத்தின் தலைமைக்கு குழுவானது ஏப்ரல் 6 ஆம் தேதி பணிநீக்கத்திற்கான டவுன்ஹால் கூட்டத்தை கூட்டியது. இந்த நிறுவனத்தில் மொத்தமாக 450-க்கும் மேற்றபட்ட ஊழியர்கள் வேலை செய்கின்றனர். இதனால் பணிநீக்க நடவடிக்கை அனைத்து துறைகளிலும் இருக்கும் எனவும் அந்நிறுவனம் தெரிவித்துள்ளது.
100 மேற்பட்ட ஊழியர்களை பணிநீக்கம் செய்யும் Zestmoney - காரணம் என்ன?
பணியிலிருந்து நீக்கப்படும் ஊழியர்களுக்கு ஒரு மாத சம்பளமும், இன்சூரன்ஸ் மற்றும் பிற உதவிகளும் வழங்கப்படும் எனக்கூறியுள்ளனர். அதுமட்டுமின்றி ZestMoney-யில் பணியாற்றும் 200 ஊழியர்களை தங்களது நிறுவனத்தில் இணைத்து கொள்ள Phonepe தயாராக இருப்பதாக கூறப்படுகிறது. இது குறித்து பேச்சுவார்த்தை நடந்து வருவதாகவும் தகவல்கள் வெளியாகி உள்ளன. தொடர்ந்து, ZestMoney கையகப்படுத்தல் ஒப்பந்தத்தில் இருந்து வெளியேறும் போன்பேவின் முடிவுக்கு ஆர்பிஐ-யின் கடுமையான விதிமுறையே காரணம் என கூறப்படுகிறது. இதற்கு போன்பேவின் தலைமை நிர்வாக அதிகாரியான சமீர் நிகாம், ஒப்பந்தத்தில் சில கவனக்குறைவு ஏற்பட்டதாக தெரிவித்துள்ளார்.
இந்த காலவரிசையைப் பகிரவும்