ஓடும் காரில் பெண்ணை பலாத்காரம் செய்த கும்பல்: பெங்களூரில் பரபரப்பு
செய்தி முன்னோட்டம்
பெங்களூரில், ஒரு பெண் பூங்காவில் இருந்து இழுத்துச் செல்லப்பட்டு, ஓடும் காரில் நான்கு பேரால் கூட்டு பலாத்காரம் செய்யப்பட்டதாக போலீசார் இன்று(மார் 31) தெரிவித்துள்ளனர்.
போலீசார், குற்றவாளிகள் 4 பேரையும் கைது செய்து விசாரணை நடத்தி வருகின்றனர்.
கடந்த வாரம், மார்ச் 25 ஆம் தேதி அந்த பெண் தன் நண்பரை சந்திப்பதற்காக கொரமங்களாவில் உள்ள தேசிய விளையாட்டு கிராம பூங்காவிற்கு சென்றிருக்கிறார்.
அப்போது தான் இந்த சம்பவம் நடந்ததாக கூறப்படுகிறது.
இரவில் தன் நண்பருடன் அமர்ந்து பேசி கொண்டிருந்த அந்த பெண்ணை கண்ட குற்றவாளிகளில் ஒருவர், நடு இரவில் பூங்காவில் இருவரும் அமர்ந்திருப்பதை ஆட்சேபித்திருக்கிறார்.
இந்தியா
புகார் செய்தால் மோசமான விளைவுகளை சந்திக்க நேரிடும்: குற்றவாளிகள் மிரட்டல்
அதன் பின், அந்த பெண்ணின் நண்பர் வெளியேறியதும், தனியாக இருந்த அந்த பெண்ணை தங்கள் வாகனத்திற்கு குற்றவாளிகள் இழுத்துச் சென்றதாக கூறப்படுகிறது.
அதனையடுத்து , ஓடும் வாகனத்தில் அந்த பெண்ணை பாலியல் பலாத்காரம் செய்த அந்த கும்பல், அடுத்த நாள் அதிகாலையில் அந்த பெண்ணின் வீட்டிற்கு முன் அவரை இறக்கிவிட்டனர்.
காவல்துறையில் புகார் செய்தால் "மோசமான விளைவுகளை சந்திக்க நேரிடும்" என்று பாதிக்கப்பட்டவரை நான்கு குற்றவாளிகளும் மிரட்டியதாக குற்றச்சாட்டப்பட்டுள்ளது.
"நாங்கள் இந்த விஷயத்தை விசாரித்து வருகிறோம். போலீசார் நான்கு பேரையும் கைது செய்து விசாரித்து வருகின்றனர்" என்று மூத்த பெங்களூரு போலீஸ் அதிகாரி சிகே பாபா கூறியுள்ளார்.