ஏன் ஐபோன்களுடன் ஆப்பிள்கேர்+ திட்டத்தையும் சேர்த்து வாங்க வேண்டும்?
செய்தி முன்னோட்டம்
கடந்த செப்டம்பர் 12ம் தேதி, தங்களுடைய வருடாந்திர ஐபோன் வெளியீட்டு நிகழ்வில், இந்தாண்டிற்கான புதிய ஐபோன் 15 சீரிஸ் ஸ்மார்ட்போன்களை அறிமுகப்படுத்தியது ஆப்பிள். ரூ.80,000 விலையில் தொடங்கும் ஐபோன் 15 சீரிஸ் ஸ்மார்ட்போன்களின் விலை, அதிபட்சமாக 15 ப்ரோ மேக்ஸூக்கு ரூ.1.6 லட்சம் வரையிலான விலை வரை இந்தியாவில் வெளியிடப்பட்டிருக்கிறது. ஒருவேளை நீங்கள் புதிய ஐபோனை வாங்கத் திட்டமிட்டிருந்தால், அதற்கான காப்பீடு போன்ற வசதியான ஆப்பிள்கேர்+ சேவைத் திட்டத்தையும் வாங்க மறந்து விடாதீர்கள். பைக் அல்லது கார்களுக்கு காப்பீட்டுத் திட்டம் சட்டப்பூர்வமாக கட்டாயமாக்கப்பட்டிருக்கிறது. ஆனால், போன்களுக்கு அப்படி இல்லை. மற்ற போன்களுக்கு பரவாயில்லை, ஆனால் ஐபோன்களை தவறுதலாக உடைத்து விட்டால் என்ன செய்வீர்கள்? எனவே ஆப்பிள்கேர்+ சேவைத் திட்டத்தை வாங்க மறக்காதீர்கள்.
ஐபோன்
என்னென்ன வசதிகளை ஆப்பிள்கேர்+ல் அளிக்கிறது ஆப்பிள்?
சாதாரணமாக ஐபோன்களுக்கு 1 வருட வாரண்டி அளிக்கிறது ஆப்பிள். ஆப்பிள்கேர்+ உடன் இரண்டு ஐபோன்களுக்கு இரண்டு வருடம் கூடுதல் வாரண்டி அளிக்கிறது ஆப்பிள். இவை தவிர, ஆக்ஸிடெண்டல் டேமேஜ் கவரையும் ஆப்பிள்கேர்+ல் ஐபோன்களுக்கு அளிக்கிறது ஆப்பிள். இதன் மூலம், ஐபோனை நாம் தவறுதலாகக் கீழே போட்டு, அதில் உள்ள பாகங்கள் உடைந்துவிட்டாலும், சர்வீஸ் சார்ஜை மட்டும் செலுத்தி நாம் புதிய பாகத்தை மாற்றிக் கொள்ள முடியும். சாதாரணமாக ஆப்பிளின் பின்பக்க கண்ணாடி அமைப்பு உடைந்தால், ரூ.38,000 செலவு செய்ய வேண்டியிருக்கிறது என வைத்துக் கொள்வோம். ஆப்பிள்கேர்+ திட்டத்துடன் இதற்கு ரூ.2,500 சர்வீஸ் சார்ஜ் மட்டும் செலுத்தினால் போதுமானது. அதிகபட்சமாக ரூ.20,900 விலையில், 15 ப்ரோ மேக்ஸ் மாடலுக்கான ஆப்பிள்கேர்+ வசதியை வழங்குகிறது ஆப்பிள்.