இந்த டிசம்பரில் வெளியாகவிருக்கும் புதிய ஸ்மார்ட்போன்கள்
செய்தி முன்னோட்டம்
ஒவ்வொரு மாதமும் பல்வேறு நிறுவனங்கள் தங்களுடைய புதிய ஸ்மார்ட்போன்களை வெளியிட்டு வருகின்றன. அந்த வகையில் இந்த டிசம்பர் மாதம் வெளியாகவிருக்கும் ஸ்மார்ட்போன்களின் பட்டியல் இது.
ஐகூ 12 5G:
இந்தியாவில் குவால்காமின் புதிய ஸ்னாப்டிராகன் 8 ஜென் 3 சிப்பைக் கொண்டு வெளியாகவிருக்கும் முதல் ஸ்மார்ட்போன் இந்த ஐகூ 12. ஐகூ 12 மற்றும் ஐகூ 12 ப்ரோ ஆகிய ஸ்மார்ட்போன்களை கடந்த மாதம் சீனாவில் வெளியிட்டிருந்தது அந்நிறுவனம்.
சீன வெளியீட்டைத் தொடர்ந்து வரும் டிசம்பர்-12ம் தேதியன்று இந்தியாவில் இந்த ஸ்மார்ட்போனை வெளியிடத் திட்டமிட்டிருக்கிறது ஐகூ.
144Hz ரெப்ரெஷ் ரேட் கொண்ட டிஸ்பிளே, பின்பக்கம் ட்ரிபிள் கேமரா செட்டப் மற்றம் அதிவேக சார்ஜிங் ஆகிய வசதிகளுடன் இந்தியாவில் வெளியாகவிருக்கிறது இந்த ஸ்மார்ட்போன்.
ஸ்மார்ட்போன்
ரெட்மி 12C:
இந்த மாதம் வெளியாகவிருக்கும் பட்ஜெட் ஸ்மார்ட்போன்களுள் ஒன்று இந்த ரெட்மி 12C. ரூ.15,000 விலைக்குள், வரும் டிசம்பர் 6ம் தேதி இந்த ரெட்மி 12C ஸ்மார்ட்போனை இந்தியாவில் வெளியிடத் திட்டமிட்டிருக்கிறது ரெட்மி.
மீடியாடெக் டைமன்சிட்டி 6100+ ப்ராசஸர், 50MP டூயல் கேமரா செட்டப் மற்றும் ஃபாஸ்ட் சார்ஜிங் வசதியுடன் கூடிய 5000mAh பேட்டரி ஆகிய அம்சங்களுடன் வெளியாகவிருக்கிறது இந்த ஸ்மார்ட்போன்.
ரியல்மி C67 5G:
இந்தியாவில் 5G வசதியுடன் இந்த மாதம் வெளியாகவிருக்கும் பட்ஜெட் ஸ்மார்ட்போன் இந்த ரியல்மி C67 5G. இந்த ஸ்மார்ட்போனின் வெளியீடு குறித்த அதிகாரப்பூர்வ வெளியீட்டுத் தேதியை அந்நிறுவனம் இன்னும் அறிவிக்கவில்லை.
யுனிசாக் T612 ப்ராசஸர் மற்றும் 33W ஃபாஸ்ட் சார்ஜிங் வசதிகளுடன் வெளியாகவிருக்கிறது இந்தப் பஸ்மார்ட்போன்.
ஸ்மார்ட்போன்
டெக்னோ ஸ்பார்க் கோ 2024:
கடந்த மாதம் உலகளவில் வெளியிடப்பட்ட தொடக்கநிலை ஸ்மார்ட்போனான டெக்னோ ஸ்பார்க் கோவை வரும் டிசம்பர் 4ம் தேதி இந்தியாவில் அறிமுகப்படுத்தத் திட்டமிட்டிருக்கிறது டெக்னோ நிறுவனம்.
ரூ.7,000 விலைக்குள் இந்தியாவின் தொடக்கநிலை ஸ்மார்ட்போன் பிரிவின் புதிய அறிமுகமாக வெளியாகவிருக்கிறது இந்த ஸ்மார்ட்போன்.
ஒன்பிளஸ் 12 5G:
இந்த மாதம் அதிகம் எதிர்பார்க்கப்படும் ப்ரீமியம் ஸ்மார்ட்போன் வெளியீடு இந்த ஒன்பிளஸ் 12. குவால்காமின் சமீபத்திய ஸ்னாப்டிராகன் 8 ஜென் 3 சிப்புடன் வரும் டிசம்பர் 5ம் தேதி சீனாவில் வெளியாகிறது இந்த ஸ்மார்ட்போன்.
சீன வெளியீட்டைத் தொடர்ந்து அடுத்த மாதம் 24ம் தேதி உலகளவில் வெளியிடப்படவிருக்கிறது இந்த ஒன்பிளஸின் ப்ளாக்ஷிப். ஸ்மார்ட்போன் பயனாளர்களால் அதிகளவில் எதிர்பார்க்கப்படும் வெளியீடும் இதுதான்.