செயற்கைக்கோள் உடைந்ததால், ஸ்டார்லைனரில் தங்கவைக்கப்பட்ட சுனிதா வில்லியம்ஸ் குழு
சர்வதேச விண்வெளி நிலையத்தில் (ISS) ஒரு பதட்டமான தருணத்தில், நாசா விண்வெளி வீரர்களான சுனிதா வில்லியம்ஸ் மற்றும் புட்ச் வில்மோர் ஆகியோர் போயிங்கின் ஸ்டார்லைனர் விண்கலம் மற்றும் பிற திரும்பும் வாகனங்களில் அவசர தங்குமிடம் பெற வேண்டிய கட்டாயம் ஏற்பட்டுள்ளது. ISS நிலையத்திற்கு அருகில் உள்ள நிறுத்தி வைக்கப்பட்டிருந்த செயற்கைக்கோள் ஒன்று உடைந்துவிட்டதாக நாசாவுக்குத் தெரிவிக்கப்பட்டபோது இந்த சம்பவம் நிகழ்ந்தது. அந்த உடைந்த பாகம், ISS -ஐ தாக்கக்கூடும் என்பதால் முன்னெச்சரிக்கை நடவடிக்கையாக, நாசாவின் மிஷன் கண்ட்ரோல், அனைத்து குழு உறுப்பினர்களையும் அந்தந்த விண்கலத்தில் தங்குமாறு அறிவுறுத்தியது. அதனைத்தொடர்ந்து ஜூன் 5 முதல் ISS விண்கலத்தில் இருந்த வில்லியம்ஸ் மற்றும் வில்மோர், ஸ்டார்லைனர் கேப்சூலில் தஞ்சம் புகுந்தனர்.
ஸ்டார்லைனரில் தங்கவைக்கப்பட்ட சுனிதா வில்லியம்ஸ் குழு
ISS -இன் பாதுகாப்பிற்கு அச்சுறுத்தல் ஏற்படுத்தும் விண்வெளி குப்பைகள்
ஏறக்குறைய ஒரு மணி நேரம், விண்வெளி வீரர்கள் தங்களுடைய பாதுகாப்பு தங்குமிடங்களில் இருந்தபோது, மிஷன் கண்ட்ரோல் விண்வெளியில் மிதந்து வந்த அந்த செயற்க்கைகோளின் உடைந்த பாகத்தின் பாதையை உன்னிப்பாகக் கண்காணித்தது. உடனடி அச்சுறுத்தல் கடந்துவிட்டதா என்பதைத் தீர்மானித்த பிறகு, குழுவினர் தங்கள் விண்கலத்திலிருந்து வெளியேறவும், நிலையத்தில் இயல்பான செயல்பாடுகளை மீண்டும் தொடங்கவும் அனைத்து உத்தரவுகளையும் வழங்கினர். இந்த நிகழ்வு விண்வெளி குப்பைகளின் தற்போதைய சவாலையும் சுற்றுப்பாதை நடவடிக்கைகளில் பாதுகாப்பு நெறிமுறைகளின் முக்கியத்துவத்தையும் எடுத்துக்காட்டுகிறது. அவசரகால சூழ்நிலைகளில் சாத்தியமான உயிர்காக்கும் படகாக செயல்படும் ஸ்டார்லைனரின் திறனையும் இது நிரூபித்தது.
