இணையத்தில் கசிந்த சாம்சங் 'கேலக்ஸி ஃபிட் 3' ஸ்மார்ட் பேண்டு தகவல்கள்
செய்தி முன்னோட்டம்
தங்களுடைய புதிய ஸ்மார்ட் பேண்டான 'கேலக்ஸி ஃபிட் 3'-யை விரைவில் வெளியிடத் தயாராகி வருகிறது சாம்சங். முன்னதாக 2020-ம் ஆண்டு தான் தங்களுடைய முந்தைய ஸ்மார்ட் பேண்டான கேலக்ஸி ஃபிட் 2-வை வெளியிட்டது சாம்சங்.
இந்தப் புதிய கேலக்ஸி ஃபிட் 3 ஸ்மார்ட் பேண்டு குறித்த தகவல்கள் இணையத்தில் கசிந்திருந்தன. அதேபோல் தற்போது புதிய ஸ்மார்ட் பேண்டின் அதிகாரப்பூர்வ படங்களும் இணையத்தில் கசிந்திருக்கிறது.
எதிர்பார்த்ததைப் போலவே மூன்று நிறங்களில், முந்தைய ஸ்மார்ட் பேண்டை விட சற்று பெரிய திரையுடன் காட்சியளிக்கிறது புகிய கேலக்ஸி ஃபிட் 3 ஸ்மார்ட் பேண்டு.
சாம்சங்
சாம்சங் 'கேலக்ஸி ஃபிட் 3' ஸ்மார்ட் பேண்டு:
கிரே, கோல்டு மற்றும் பிளாக் ஆகிய நிறங்களில், மிகச் சிறிய அளவிலான பெசல்களைக் கொண்டிருக்கிறது சாம்சங்கின் புதிய ஸ்மார்ட் பேண்டு.
வளைவான முனைகளைக் மற்றும் பாக்ஸியான டிசனைக் கொண்டிருக்கிறது இந்தப் புதிய கேலக்ஸி ஃபிட் 3. நீண்ட நேரம் அணிந்திருந்தாலும் அசௌகரியம் ஏற்படாத வகையில் புதிய ஸ்மார்ட் பேண்டை சாம்சங் வடிவமைத்திருப்பதாகக் கூறப்படுகிறது.
மேலும், இந்த ஸ்மார்ட் பேண்டின் சிலிக்கோன் ஸ்ட்ராப்களை மாற்றிக் கொள்ளும் வகையிலேயே சாம்சங் வடிவமைத்திருப்பதாகவும் தெரிவிக்கப்பட்டுள்ளது.
ஆன் மற்றும் ஆஃப் செயல்பாடுகளுக்காக ஒரே ஒரு பிசிக்கல் பட்டன் மட்டும் இந்த ஸ்மார்ட் பேண்டின் பக்கவாட்டுப் பகுதியில் கொடுக்கப்பட்டிருக்கிறது. அதன் கீழேயே சின்ன மைக் ஒன்றும் கொடுக்கப்பட்டிருக்கிறது. விரைவில் இந்த ஸ்மார்ட் பேண்டை சாம்சங் வெளியிடும் என எதிர்பார்க்கப்படுகிறது.