இந்தியாவிலும் அறிமுகமாகும் பிக்சல் வாட்ச், வெளியீட்டை உறுதி செய்த கூகுள்
செய்தி முன்னோட்டம்
கடந்தாண்டு பிக்சல் 7 சீரிஸ் ஸ்மார்ட்போன்களுடன் தங்களுடைய முதல் ஸ்மார்ட் வாட்ச்சான பிக்சல் வாட்ச்சையும் வெளியிட்டது கூகுள். அதனைத் தொடர்ந்து தற்போது தங்களுடைய அடுத்த ஸ்மார்ட் வாட்ச்சான பிக்சல் வாட்ச் 2வை அடுத்த மாதம் வெளியிடவிருக்கிறது கூகுள்.
தங்களுடைய புதிய ஸ்மார்ட்போன் சீரிஸான பிக்சல் சீரிஸ் 8 உடன் இந்தப் புதிய பிக்சல் வாட்ச் 2வை வெளியிடத் திட்டமிட்டிருக்கிறது கூகுள்.
கடந்தாண்டு வெளியான முதல் ஸ்மார்ட் வாட்ச்சை உலகளவில் பல்வேறு சந்தைகளில் அந்நிறுவனம் வெளியிட்ட போதிலும், இந்தியாவில் அதனை விற்பனைக்கு கூகுள் கொண்டு வரவில்லை.
ஆனால், தற்போது வெளியாகவிருக்கும் பிக்சல் வாட்ச் 2வை, அமெரிக்காவில் வெளியிட்ட பிறகு இந்தியாவில் வெளியிடவிருப்பதாக அறிவித்திருக்கிறது அந்நிறுவனம்.
கூகுள்
எப்போது வெளியாகிறது பிக்சல் வாட்ச் 2?
அமெரிக்காகவில் அக்டோபர் 4ம் தேதி பிக்சல் வாட்ச் 2வை வெளியிடவிருக்கிறது கூகுள். அதனைத் தொடர்ந்து, அக்டோப்ர 5ல் இந்தியாவில் அந்த வாட்ச்சை வெளியிடவிருப்பதாக அறிவித்திருக்கிறது அந்நிறுவனம்.
1.2 இன்ச் OLED டிஸ்பிளே, ஸ்னாப்டிகாரன் W5 ப்ராசஸர், 2GB ரேம், 32GB eMMC ஸ்டோரேஜ், ஃபாஸ்ட் சார்ஜிங் வசதியுடன் கூடிய 306mAh பேட்டரி, 4G மற்றும் UWB வசதி ஆகிய வசதிகளுடன் புதிய பிக்சல் வாட்ச் 2வை வெளியிடவிருக்கிறது கூகுள்.
முதல் பிக்சல் வாட்ச்சை இந்திய மதிப்பில் ரூ.30,000-க்கும் மேலான விலையில் கடந்தாண்டு வெளியிட்டிருந்தது கூகுள். புதிய ஸ்மார்ட் வாட்ச்சை பல்வேறு வகையிலும் அந்நிறுவனம் மேம்படுத்தியிருக்கும் நிலையில், அதனை விடக் கூடுதல் விலையிலேயே புதிய ஸ்மார்ட் வாட்ச் அறிமுகமாகும் என எதிர்பார்க்கப்படுகிறது.