Perplexity-யின் Comet AI பிரௌசர் இப்போது அனைவருக்கும் இலவசம்!
செய்தி முன்னோட்டம்
AI துறையில் வேகமாக வளர்ந்து வரும் நிறுவனமான Perplexity, அதன் சக்திவாய்ந்த செயற்கை நுண்ணறிவு (AI) உலாவி ஆன Comet-ஐ இப்போது உலகம் முழுவதும் உள்ள அனைவரும் இலவசமாகப் பயன்படுத்தலாம் என்று அறிவித்துள்ளது. ஜூலை மாதம் கூகிள் குரோம் மற்றும் சஃபாரிக்கு போட்டியாக அறிமுகப்படுத்தப்பட்ட இந்த AI பிரவுசர், இதுவரை ஒரு அழைப்பு-மட்டும் (Invite-only) தளமாக அல்லது கட்டணச் சந்தா பயனர்களுக்கு மட்டுமே கிடைத்து வந்தது. தற்போது, நீண்ட காத்திருப்புப் பட்டியலில் இருந்த பயனர்கள் உட்பட அனைவரும் Comet உலாவியைப் பதிவிறக்கம் செய்து பயன்படுத்தலாம். Comet உலாவியைப் பதிவிறக்கம் செய்ய, பயனர்கள் Perplexity-யின் அதிகாரப்பூர்வ வலைத்தளத்தைப் பார்வையிட்டு வழிமுறைகளைப் பின்பற்றலாம்.
அம்சங்கள்
முக்கிய அறிவிப்புகள் மற்றும் அம்சங்கள்
இலவச அணுகல்: Comet பிரவுசரின் முதல்-தரப்பு அம்சங்கள் (First-party features) அனைத்தும் பயனர்களுக்கு இலவசமாகக் கிடைக்கும் என்று Perplexity நிறுவனம் உறுதிப்படுத்தியுள்ளது. Comet Plus அறிமுகம்: "உலகின் மிகவும் புகழ்பெற்ற செய்திகள் மற்றும் தகவல் ஆதாரங்களைக்" கொண்ட கட்டணச் சந்தா மாதிரியான Comet Plus விரைவில் வெளியிடப்படும் என்றும் நிறுவனம் தெரிவித்துள்ளது. பிரவுசரின் நோக்கம்: உண்மையான பதில்கள், பயனுள்ள செயல்கள் மற்றும் குறைவான கவனச்சிதறல்களை வழங்குவதே இதன் நோக்கம். AI உதவி: Comet உதவியாளர், பயனரின் சார்பாக தகவல்களை வழங்குதல் அல்லது பணிகளை மேற்கொள்வது நோக்கி செயல்பட வடிவமைக்கப்பட்டுள்ளது. இதன் மூலம் பயனர்கள் ஆராய்ச்சி, கூட்டங்கள், குறியீடு (code), மின் வணிகம் போன்ற பல துறைகளில் உதவி பெறலாம்.