இந்தியாவில் வெளியானது ஓப்போவின் புதிய 'ஃபைண்டு N3 ஃப்ளிப்' ஸ்மார்ட்போன்
செய்தி முன்னோட்டம்
தங்களுடைய 'ஃபைண்டு N2 ஃப்ளிப்' ஸ்மார்ட்போன் மாடலின் அப்டேட்டட் வெர்ஷனாக 'ஃபைண்டு N3 ஃப்ளிப்' ஸ்மார்ட்போனை இந்தியாவில் வெளியிட்டிருக்கிறது ஓப்போ.
புதிய டிசைன், ஒன்பிளஸ் ஸ்மார்ட்போன்களில் வழங்கப்படுவது போலான அலர்ட் ஸ்லைடர் மற்றும் இன்ன பிற புதிய அப்டேட்களுடன் வெளியாகியிருக்கிறது ஓப்போ ஃபைண்டு N3 ஃப்ளிப்.
120Hz ரெப்ரெஷ் ரேட், 1600 நிட்ஸ் அதிகபட்ச வெளிச்சத்தைக் கொண்ட 6.80 இன்ச் உட்பக்க திரையையும், 60Hz ரெப்ரெஷ் ரேட் மற்றும் 900 நிட்ஸ் அதிபட்த வெளிச்சத்தைக் கொண்ட 3.26 இன்ச் வெளிப்புற திரையையும் கொண்டிருக்கிறது இந்தப் புதிய ஸ்மார்ட்போன்.
-20 டிகிரி செல்சியஸ் முதல் 50 டிகிரி செல்சியஸ் வரை அதீத வெப்பம் மற்றும் குளிரைத் தாங்கம் வகையில் புதிய ஸ்மார்ட்போனை வடிவமைத்திருக்கிறது ஓப்போ.
ஓப்போ
ஓப்போ ஃபைண்டு N3 ஃப்ளிப்: ப்ராசஸர் மற்றும் விலை
இந்த புதிய N3 ஃப்ளிப்பில் மீடியாடெக் டைமன்சிட்டி 9200 ப்ராசஸரைப் பயன்படுத்தியிருக்கிறது ஓப்போ. மேலும், 12GB ரேம் மற்றும் 256GB ஸ்டோரேஜ் கொண்ட ஒரேயொரு வேரியன்டாக மட்டுமே வெளியாகியிருக்கிறது.
இந்த N3 ஃப்ளிப்பில், பின்பக்கம் 50MP முதன்மைக் கேமரா, 32MP டெலிபோட்டோ லென்ஸ் மற்றும் 48MP வைடு ஆங்கிள் லென்ஸ் என மூன்று கேமராக்கள் கொண்ட செட்டப் கொடுக்கப்பட்டிருக்கிறது. முன்பக்கம், 32MP செல்ஃபி கேமரா கொடுக்கப்பட்டிருக்கிறது.
ஆண்ட்ராய்டு 13ஐ அடிப்படையாகக் கொண்ட கலர்ஓஎஸ் 13.2 இயங்குதளத்தைக் கொண்டிருக்கும் இந்த N3 ஃப்ளிப் மாடலுக்கு 4 வருட இயங்குதள அப்டேட் மற்றும் 5 வருட பாதுகாப்பு அப்டேட்களை வழங்கவிருக்கிறது ஓப்போ.
ரூ.94,999 விலையில் இந்தியாவில் வெளியாகியிருக்கிறது ஓப்போ ஃபைண்டு N3 ஃப்ளிப் ஸ்மார்ட்போன்.