என்னென்ன வசதிகளைக் கொண்டிருக்கவிருக்கிறது 'நத்திங் போன் (2a)' ஸ்மார்ட்போன்?
செய்தி முன்னோட்டம்
இரண்டு ஆண்டுகளில் இரண்டு ஃப்ளாக்ஷிப் ஸ்மார்ட்போன்களின் அறிமுகத்துக்குப் பிறகு, புதிய மிட்ரேஞ்சு ஸ்மார்ட்போன் ஒன்றை வெளியிடத் தயாராகி வருகிறது முன்னாள் ஒன்பிளஸ் சிஇஓ கார்ல் பெய் தலைமையிலான நத்திங் நிறுவனம்.
'நத்திங் போன் (2a)' என்ற பெயரில் வெளியாகும் என எதிர்பார்க்கப்படும் இந்தப் புதிய ஸ்மார்ட்போனை, 2024 பிப்ரவரி 27ம் தேதி நடைபெறவிருக்கும் மொபைல் வேர்ல்டு காங்கிரஸ் நிகழ்வில் அறிமுகப்படுத்தவும் அந்நிறுவனம் திட்டமிட்டு வருவதாகத் தகவல் வெளியாகியிருக்கிறது.
நத்திங் நிறுவனத்தின் பட்ஜெட் வெர்ஷனாக அறிமுகமாகவிருக்கும் இந்த ஸ்மார்ட்போனை, ஜப்பான், இந்தியா மற்றும் ஐரோப்பிய நாடுகளில் வெளியிடத் திட்டமிட்டிருக்கிறது அந்நிறுவனம்.
நத்திங்
நத்திங் போன் (2a): வசதிகள்
8GB/128GB மற்றும் 12GB/256GB ரேம் மற்றும் ஸ்டோரேஜ் சேர்க்கைகளில், ரூ.35,000 விலைக்குள் இந்தப் புதிய மொபைலை நத்திங் வெளியிட வாய்ப்பிருக்கிறது.
இந்த போன் (2a)-விலும் மறுவடிவமைப்பு செய்யப்பட்ட புதிய கிளிப் இன்டர்பேஸ் விளக்குகளைப் நத்திங் பயன்படுத்தவிருப்பதாக முன்பே தகவல்கள் இணையத்தில் கசிந்திருந்தன.
பின்பக்கம் 50MP முதன்மைக் கேமரா மற்றும் 50MP அல்ட்ரா-வைடு சென்சாரையும், முன்பக்கம் 32MP செல்ஃபி கேமராவையும் பயன்படுத்தவிருக்கிறது நத்திங்.
இத்துடன் 6.7-இன்ச் AMOLED டிஸ்பிளே, டைமன்சிட்டி மீடியாடெக் 7200 சிப்செட், ஆண்ட்ராய்டு 14-ஐ அடிப்படையாகக் கொண்ட நத்திங் ஓஎஸ் 2.5 இயங்குதளம் மற்றும் 4,920mAh பேட்டரி ஆகிய வசதிகளுடன் புதிய போன் (2a) ஸ்மார்ட்போனை வெளியிடவிருக்கிறது நத்திங்.