நோக்கியாவின் புதிய XR21 ஸ்மார்ட்போன்.. என்னென்ன வசதிகள்?
செய்தி முன்னோட்டம்
XR21 மாடல் ஸ்மார்ட்போனை ஐரோப்பா மற்றும் பிரிட்டன் ஆகிய நாடுகளில் வெளியிட்டிருக்கிறது நோக்கியா. இந்தியா மற்றும் அமெரிக்கா ஆகிய நாடுகளில் இனி வரும் மாதங்களில் வெளியிடலாம் என எதிர்பார்க்கப்படுகிறது.
நோக்கியாவின் முந்தைய காலத்து போன்கள் உறுதிக்கு பெயர் போனவே. அதைப் போலவே இந்த ஸ்மார்ட்போனையும் உறுதியாக ஸ்மார்ட்போனாகத் தயாரித்திருக்கிறது நோக்கியா. மேலும், இந்த ஸ்மார்ட்போன் IP69K ரேட்டிங்கை பெற்றிருக்கிறது.
XR20 ஸ்மார்ட்போனின் அப்டேட்டட் வெர்ஷனாக இந்தப் புதிய ஸ்மார்ட்போனை வெளியிட்டிருக்கிறது நோக்கியா. மிட்நைட் ப்ளாக் மற்றும் பைன் கிரீன் ஆகிய கலர்களில், 6GB + 128GB என்ற ஒரே ஸ்டோரேஜ் ஆப்ஷனுடன் வெளியாகியிருக்கிறது இந்தப் புதிய ஸ்மார்ட்போன்.
நோக்கியா
வசதிகள் மற்றும் விலை:
இந்தப் புதிய ஸ்மார்ட்போனில் குவாஸ்காம் ஸ்னாப்டிராகன் 695 5G ப்ராசஸரைப் பயன்படுத்தியிருக்கிறது நோக்கியா.
ஆண்ட்ராய்டு 12 இயங்குதளத்துடன் வெளியாகியிருக்கும் இந்த போனில் 6.49 இன்ச் LCD டிஸ்பிளேவைப் பயன்படுத்தியிருக்கிறது நோக்கியா.
பின்பக்கம் 64MP முதன்மைக் கேமரா, 8MP அல்ட்ரா-வைடு கேமரா ஆகியவை பயன்படுத்தப்பட்டிருக்கின்றன. முன்பக்கம் 16MP செல்ஃபி கேமரா பயன்படுத்தப்பட்டிருக்கிறது.
33W ஃபாஸ்ட் சார்ஜிங் வசதியுடன் 4,800mAh பேட்டரி கொடுக்கப்பட்டிருக்கிறது. அதோடு ஃபிங்கர் பிரிண்ட் சென்சார்கள் பக்கவாட்டில் கொடுக்கப்பட்டிருக்கின்றன.
இந்திய ரூபாய் மதிப்பில் ரூ.50,000-க்கும் மேலான விலையில் வெளியாகியிருக்கிறது இந்த புதிய நோக்கியா XR21 ஸ்மார்ட்போன்.