இந்தியாவில் வெளியானது புதிய நாய்ஸ் 'ஏர் பட்ஸ் ப்ரோ SE'
செய்தி முன்னோட்டம்
இந்திய மின்சாதன தயாரிப்பு நிறுவனமான நாய்ஸ் (Noise), இந்தியாவில் புதிய 'ஏர் பட்ஸ் ப்ரோ SE' TWS ஹெட்போன்களை வெளியிட்டிருக்கிறது. இந்தியாவின் தொடக்க நிலை TWS ஹெட்போன்கள் சந்தையில் பிற ஹெட்போன்களுடன் போட்டியிடும் வகையில் இந்தப் புதிய ஏர் பட்ஸை வெளியிட்டிருக்கிறது நாய்ஸ்.
நாய்ஸ் பிராண்டிங்குடன் மெட்டாலிக் ஃபினிஷ் கொண்ட கேஸைப் பெற்றிருக்கிறது நாய்ஸின் ஏர் பட்ஸ் ப்ரோ SE. லஸ்டர் பிளாக் மற்றும் சாம்பெய்ன் கோல்டு ஆகிய இரு நிறங்களில் வெளியாகியிருக்கிறது.
உடற்பயிற்சி செய்யும் போது, வெளியே செல்லும் போதும் பயன்படுத்தும் வகையில் IPX5 வாட்டர் ரெசிஸ்டன்ட் ரேட்டிங்கைக் கொண்டிருக்கிறது இந்த புதிய ஏர் பட்ஸ். வழக்கம் போல், டச் கண்ட்ரோல்கள் மற்றும் வாய்ஸ் அசிஸ்டன்ட் வசதிகளும் உள்ளன.
நாய்ஸ்
நாய்ஸ் ஏர் பட்ஸ் ப்ரோ SE: பிற வசதிகள் மற்றும் விலை
ஏர் பட்ஸானது முழுவதுமாக சார்ஜ் ஆக 30 நிமிடங்கள் எடுத்துக் கொள்ளும் நிலையில், கேஸானது 90 நிமிடங்களில் முழுவதுமாக சார்ஜ் ஆகிறது. 10 நிமிடங்கள் சார்ஜ் செய்தால் மூன்று மணி நேரம் வரை ப்ளேபேக் செய்ய முடிகிறது.
முழுமையான சார்ஜில் 7.5 மணி நேரப் பயன்பாட்டை வழங்கும் இந்தப் புதிய ஏர் பட்ஸானது, கேஸூடன் 45 மணி நேரப் பயன்பாட்டை வழங்குகிறது.
ப்ளூடூத் 5.3 வசதியைக் கொண்டிருக்கும் இந்த பட்ஸானது 30dB வரையிலான ஆக்டிவ் நாய்ஸ் கேன்சஸேஷன் வசதியையும் வழங்குகிறது.
இந்தியாவில் ரூ.1,699 விலையில் வெளியாகியிருக்கும் இந்த ஏர் பட்ஸை, நாய்ஸின் அதிகாரப்பூர்வ வலைத்தளம் மற்றும் ஃப்ளிப்கார்ட் தளத்தின் மூலம் ஆர்டர் செய்ய முடியும்.