இந்தியாவில் வெளியானது இன்ஃபினிக்ஸ் நோட் 30 5G ஸ்மார்ட்போன்
செய்தி முன்னோட்டம்
தங்களுடைய புதிய நோட் 30 5G பட்ஜெட் ஸ்மார்ட்போனை இந்தியாவில் வெளியிட்டிருக்கிறது இன்ஃபினிக்ஸ் நிறுவனம்.
120Hz ரெப்ரஷ் ரேட் மற்றும் 580 நிட்ஸ் அதிகபட்ச பிரைட்னஸ் கொண்ட 6.78 இன்ச் LCD டிஸ்பிளேவை புதிய நோட் 30-யில் பயன்படுத்தியிருக்கிறது இன்ஃபினிக்ஸ்.
பின்பக்கம் 108MP முதன்மை கேமராவுடன், இரண்டு சென்சார்களும் கொடுக்கப்பட்டிருக்கிறது. அந்த சென்சார்கள் குறித்த தகவல்களை அந்நிறுவனம் குறிப்பிடவில்லை. முன்பக்கம் 16MP செல்ஃபி கேமரா கொடுக்கப்பட்டிருக்கிறது.
டூயல் ஸ்டீரியோ ஸ்பீக்கர்களைக் கொண்டிருக்கும் இந்த நோட் 30-ல் பைபாஸ் சார்ஜிங் சிஸ்டம் என்ற புதிய வசதியை அறிமுகப்படுத்தியிருக்கிறது இன்ஃபினிக்ஸ். இதன் மூலம், பேட்டரியின் ஆயுளை அதிகரிக்க நேரடியாக மதர்போர்டுக்கு சார்ஜை விநியோகம் செய்யுமாம்.
இன்ஃபினிக்ஸ்
இன்ஃபினிக்ஸ் நோட் 30 5G: ப்ராசஸர் மற்றும் பிற வசதிகள்:
இந்த புதிய நோட் 30-ல் மீடியாடெக் டைமன்சிட்டி 6080 ப்ராசஸரைப் பயன்படுத்தியிருக்கிறது இன்ஃபினிக்ஸ். இத்துடன் 45W ஃபாஸ்ட் சார்ஜிங் வசதியுடன் கூடிய 5,000mAh பேட்டரியை வழங்கியிருக்கிறது.
கனெக்டிவிட்டிக்காக 5G, வை-பை, ப்ளூடூத், ஜிபிஎஸ், என்எஃப்சி, 3.5மிமீ ஆடியோ ஜாக் மற்றும் டைப்-சி போர்ட் ஆகியவை வழங்கப்பட்டிருக்கிறது.
இந்த நோட் 30 5G-யின் 4GB ரேம் மற்றும் 128GB ஸ்டோரேஜ் கொண்ட வேரியன்டை ரூ.14,999 விலையிலும், 8GB ரேம் மற்றும் 128GB ஸ்டோரேஜ் கொண்ட வேரியன்டை ரூ.15,999 விலையிலும் வெளியிட்டிருக்கிறது இன்ஃபினிக்ஸ்.
ஆக்சிஸ் வங்கியின் டெபிட் மற்றும் கிரெடிட் கார்டு மூலம் பரிவர்த்தனை செய்தால் ரூ.1,000 தள்ளுபடி விலையில் இந்த இன்ஃபினிக்ஸை பெற்றுக் கொள்ள முடியும்.