கூகுள் மேப்ஸில் டைம்லைன் ஹிஸ்டரி ஜூன் 2025 முதல் வேலை செய்யாது; தரவுகளை பேக்-அப் செய்வது எப்படி?
கூகுள் மேப்ஸில் இருப்பிட வரலாறு என அழைக்கப்படும் அதன் பிரபலமான காலவரிசை அம்சம் (Timeline History) ஜூன் 9, 2025 அன்று நிறுத்தப்படும் என்று கூகுள் அறிவித்துள்ளது. பயனர்கள் தங்கள் தரவைத் தக்கவைக்க அமைப்புகளைப் புதுப்பிக்குமாறு வலியுறுத்தி, காலக்கெடு குறித்த அறிவிப்புகள் கொடுக்கப்பட்டு வருகிறது. முதலில் இந்த அம்சத்தை டிசம்பர் 2024இல் செயலிழக்கத் திட்டமிடப்பட்டது. எனினும், பயனர்களுக்கு மாற்றங்களைச் செய்வதற்கு கூடுதல் நேரத்தை வழங்க காலக்கெடு நீட்டிக்கப்பட்டது. பயணப் பதிவுப் புத்தகத்தைப் போலவே பயனர்கள் கடந்த இடங்களையும் வழிகளையும் மீண்டும் பார்வையிட காலவரிசை அனுமதிக்கிறது. வரவிருக்கும் மாற்றங்களுடன், இந்த அம்சம் கிளவுட்கம்பியூட்டிங் இல்லாமல் தனிப்பட்ட ஸ்மார்ட்போன்களில் உள்ளகத்தில் தரவைச் சேமிக்கும்.
மூன்று மாதங்களுக்கு பிறகு தானாக நீக்கம்
பயனர்கள் தங்கள் காலவரிசையை சேமிக்க நடவடிக்கை எடுக்காவிட்டால், மூன்று மாதங்களுக்கும் மேலான தரவு தானாகவே நீக்கப்படும். கூடுதலாக, கட்ஆஃப் தேதிக்குப் பிறகு 90 நாட்கள் டேட்டா மட்டுமே சாதனங்களுக்கு மாற்றப்படும். ஒரு குறிப்பிடத்தக்க மாற்றம் என்னவென்றால், காலவரிசைத் தரவை இணைய உலாவிகள் வழியாக அணுக முடியாது, ஏனெனில் தகவல் நேரடியாக ஸ்மார்ட்போன்களில் இருந்து பெறப்படும். இந்த நடவடிக்கையானது, பயனர் தனியுரிமையை மேம்படுத்துவதற்கான கூகுளின் முயற்சிகளின் ஒரு பகுதியாகும். ஆனால் பல வருடங்கள் மதிப்புள்ள பயணத் தரவு இழப்பு ஏற்படக்கூடும் என்பது பற்றிய கவலைகள் பயனர்களிடையே உள்ளன.
காலவரிசை தரவை தக்கவைப்பது எப்படி?
காலவரிசைத் தரவைத் தக்கவைக்க, பயனர்கள் தங்களின் கூகுள் மேப்ஸ் ஆப்ஸை பதிப்பு 11.106 அல்லது அதற்குப் பிந்தையதாக புதுப்பிக்க வேண்டும். பின்னர் கூகுள் மேப்ஸைத் திறந்து, எக்ஸ்ப்ளோர் டைம்லைனைக் கிளிக் செய்யவும். மாற்றத்தை எச்சரித்து, கார்டில் அடுத்து என்பதை கிளிக் செய்யவும். எத்தனை மாதங்கள் மதிப்புள்ள காலவரிசைத் தரவை நீங்கள் பெற விரும்புகிறீர்கள் என்பதைத் தேர்வு செய்யவும். பயனர் தரவை கூகுளுக்கு தொடர்ந்து அனுப்ப வேண்டுமா என்பதைத் தேர்வு செய்யவும். முடிந்தது என்பதை கிளிக் செய்யவும். இதற்கிடையே, தரவுகளை புதிய சாதனங்களுக்கு மாற்றுவதற்காக, கூகுளின் சர்வர்களில் மறைகுறியாக்கப்பட்ட நகலைப் பாதுகாப்பாகச் சேமிக்க, காப்புப்பிரதிகள் பயனர்களை அனுமதிக்கின்றன.
