தங்கம் விலை சவரனுக்கு ரூ.48 உயர்வு - இன்றைய விலை விபரம்!
தங்கம் விலையானது அடிக்கடி சரிவு மற்றும் ஏற்றத்தை கண்டு வந்த நிலையில், ஒரு சில நாட்களில் பெரும் உயர்வை நோக்கி செல்கிறது. ரஷ்யா, உக்ரைன் ஆகிய நாடுகளுக்கு இடையேயான போர் இன்னும் முடிவுக்கு வராத நிலையில், இதுவும் முக்கிய காரணமாக பார்க்கப்படுகிறது. அதுமட்டுமின்றி, பட்ஜெட் தாக்கலுக்கு பின்னும் தங்கம் விலை படிப்படியாக தான் ஏற்றத்தை நோக்கி செல்கிறது. இந்த நிலையில், இன்றைய நாள் பிப்ரவரி 28ஆம் தேதிபடி இன்று சென்னையில் ஆபரணத் தங்கத்தின் விலை கிராமுக்கு ரூ.6 உயர்ந்து, ரூ.5,207-க்கு விற்பனையாகிறது. சவரனுக்கு ரூ.48 உயர்ந்து, ரூ.41,656-க்கு விற்பனையாகிறது.
தங்கம் மற்றும் வெள்ளியின் இன்றைய விலை விபரம் இங்கே
மேலும், 24 காரட் சுத்த தங்கத்தின் விலை 8 கிராம் ரூ.44,552க்கு விற்பனையாகிறது. இதேபோல், ஒரு கிராம் வெள்ளி ரூ.69.20-க்கு விற்பனையாகிறது. ஒரு கிலோ பார் வெள்ளியின் விலை இன்று ரூ.69,200-ஆக இருக்கிறது. தங்கம் விலை கடந்தவாரம் முழுவதும் குறைந்திருந்தது, தற்போது சற்று விலை ஏறியுள்ளது. இருந்தாலும் நடுத்தரமக்கள் தங்கம் வாங்க ஆர்வம் காட்டுகிறார்கள். அதேப்போன்று, அமெரிக்காவின் ஜனவரி மாத சில்லறைப் பணவீக்கம் அதிகரித்துள்ளதால், அடுத்துவரும் கூட்டத்தில் பெடரல் ரிசர்வ் வட்டிவீதத்தை உயர்த்தும் என்பது உறுதியாகியுள்ளது. இதனால், அந்நிய முதலீட்டாளர்கள் கடன் பத்திரங்களிலும் முதலீட்டை திருப்பியதால் தங்கத்தின் தேவை குறைந்து வருகிறது.
