ஐபோன் 16 சீரிஸின் அடிப்படை வேரியன்ட்களிலும் ஆக்ஷன் பட்டனை வழங்கவிருக்கும் ஆப்பிள்
செய்தி முன்னோட்டம்
கடந்த சில மாதங்களுக்கு முன்பு தங்களுடைய புதிய ஐபோன் 15 சீரிஸ் ஸ்மார்ட்போன்களை வெளியிட்டது ஆப்பிள் நிறுவனம். நான்கு வேரியன்ட்களாக இந்தப் புதிய ஐபோன் 15 சீரிஸ் போன்கள் வெளியாகியிருந்தன.
முந்தைய ஐபோன்களில் கொடுக்கப்பட்டு வந்த ம்யூட் ஸ்விட்ச்சுக்குப் பதிலாக ஆக்ஷன் பட்டனை இந்த 15 சீரிஸின் ப்ரோ மாடல்களில் கொடுத்தது ஆப்பிள்.
15 ப்ரோ மற்றும் 15 ப்ரோ மேக்ஸ் மாடல்களில் மட்டும் கொடுக்கப்பட்ட இந்த ஆக்ஷன் பட்டனை, அடுத்து அறிமுகப்படுத்தவிருக்கும் 16 சீரிஸின் அடிப்படை மாடல்களிலேயே கொடுக்கத் திட்டமிட்டு வருகிறது ஆப்பிள்.
முந்தைய ப்ரோ மாடல்களில் கொடுத்த ப்ரீமியம் வசதிகளை, அடுத்த அடிப்படை மாடல்களில் வழங்குவது ஆப்பிளின் வழக்கம் தான். அதையே இந்த வசதிக்கும் கடைப்பிடித்திருக்கிறது அந்நிறுவனம்.
ஆப்பிள்
ஆப்பிளின் ஆக்ஷன் பட்டன்:
முந்தைய ஐபோன்களில் கொடுக்கப்பட்டு வந்த ம்யூட் ஸ்விட்டானது, ஐபோனின் ரிங்கிங் தேர்வுகளை மாற்றுவதற்காக மட்டுமே பயன்படுத்தப்பட்டு வந்தது.
அதற்கு பதிலாக மாற்றப்பட்ட ஆக்ஷன் பட்டனானது, சைலன்ட் மோடு, பிளாஷ் லைட், கேமரா, வாய்ஸ் மெமோ, ஷார்ட் கட்ஸ், மேக்னிஃபையர் மற்றும் டிரான்ஸ்லேட் உள்ளிட்ட பல்வேறு வசதிகளை பயனர்கள் அணுகும் வகையில் வடிவமைக்கப்பட்டிருக்கிறது.
15 சீரிஸின் ப்ரோ மாடலில் மெக்கானிக்கலாகக் கொடுக்கப்பட்டிருக்கும் இந்த ஆக்ஷன் பட்டனை, 16 சீரிஸில் கேப்பாசிட்டிவ் டைப் பட்டனாகவும் வழங்க ஆப்பிள் திட்டமிட்டு வருவதாகக் கூறப்படுகிறது.
பழைய ஐபோன்களில் கொடுக்கப்பட்ட டச் ஐடி ஹோம் பட்டனைப் போல புதிய ஆக்ஷன் பட்டன் அமையலாம் எனக் கூறப்படுகிறது.
ஆப்பிள்
ஐபோன் SE-யிலும் ஆக்ஷன் பட்டன:
ஐபோன் 16 சீரிஸ் மட்டுமின்றி, ஆப்பிளின் பட்ஜெட் போனான அடுத்த தலைமுறை ஐபோன் SE மாடலிலும் இந்த ஆக்ஷன் பட்டனைக் கொடுக்க ஆப்பிள் திட்டமிட்டு வருவதாகத் தகவல் வெளியாகியிருக்கிறது.
2025ம் ஆண்டு வெளியிடப்படவிருக்கும் நான்காம் தலைமுறை ஐபோன் SE-யில் ஆப்பிள் ஆக்ஷன் பட்டனை வழங்கும் என நாம் எதிர்பார்க்கலாம்.
15 சீரிஸின் ப்ரோ மாடல்களில் கொடுக்கப்பட்ட ஆக்ஷன் பட்டனை சில ஆப்பிள் வாடிக்கையாளர்கள் அன்லைக்கும் செய்திருக்கிறார்கள். ம்யூட் பட்டனை பயன்படுத்தி பழக்கப்பட்ட அவர்களுக்கு பல்வேறு வசதிகளை உள்ளடக்கிய புதிய ஆக்ஷன் பட்டன் மனநிறைவைத் தரவில்லை.
எனினும், தங்களுடைய புதிய அறிமுகமான ஆக்ஷன் பட்டனில் பல்வேறு வசதிகளை தொடர்ந்து அறிமுகப்படுத்த ஆப்பிள் திட்டமிட்டு வருகிறது.