கிரியேட்டர்களுக்கு குட்நியூஸ்; புதிய வீடியோ மற்றும் ஆடியோ ஏஐ கருவிகளுடன் அடோப் Firefly வெளியீடு
செய்தி முன்னோட்டம்
அடோப் நிறுவனம் தனது வருடாந்திர அடோப் மேக்ஸ் மாநாட்டில், அடுத்த தலைமுறைக் கிரியேட்டிவ் பணிகளுக்காக Firefly இன் புதிய செயற்கை நுண்ணறிவு (ஏஐ) கருவிகளை அதிகாரப்பூர்வமாக அறிமுகப்படுத்தியுள்ளது. இந்தக் கட்டமைப்பு இப்போது ஆடியோ, வீடியோ மற்றும் இமேஜிங் மாதிரிகளை ஒருங்கிணைந்த கிரியேட்டிவ் சூட்டில் உள்ளடக்கியுள்ளது. Firefly ஆனது, கருத்தாக்கத்தில் இருந்து தயாரிப்புக்கு மாற்றுவதற்குப் பயனர்கள் கருவிகள் அல்லது தளங்களை மாற்ற வேண்டியதில்லாத, ஒரு முழுமையான கிரியேட்டிவ் சூழலை வழங்குகிறது. புதிய Firefly, கூகுள், ஓபன்ஏஐ, லெவன்லேப்ஸ், ரன்வே உள்ளிட்ட உலகளாவிய முன்னணி ஏஐ நிறுவனங்களுடன் ஒருங்கிணைக்கப்பட்டுள்ளது. இதன் மூலம், படைப்பாளிகள் அனைவரும் விரும்பும் தொழில்-தலைமை மாதிரிகளுடன் ஒரே இடத்தில் பணியாற்ற முடியும்.
புதிய கருவிகள்
ஆடியோ, வீடியோ மற்றும் பட உருவாக்கத்திற்கான புதிய ஏஐ கருவிகள்
அடோப் அறிமுகப்படுத்தியுள்ள புதிய ஏஐ கருவிகள், உள்ளடக்க உருவாக்கத்தை எளிமையாக்குகின்றன. அதன்படி Generate Soundtrack அம்சம் வீடியோவுக்கு ஏற்றவாறு, முழுமையாக உரிமம் பெற்ற, தொழில்முறை-தரமான பின்னணி இசை இசைக் கோப்புகளை உருவாக்குகிறது. இது யூடியூப் அல்லது இன்ஸ்டாகிராம் உள்ளடக்கத்தை உருவாக்கும் சந்தைப்படுத்துபவர்களுக்கு மிகவும் ஏற்றது. Generate Speech அம்சம் அடோபின் பேச்சு மாதிரி மற்றும் லெவன்லேப்ஸின் பன்மொழித் தளம் ஆகியவற்றின் உதவியுடன், உரையை தமிழ், ஹிந்தி, தெலுங்கு, வங்காளம் போன்ற இந்திய மொழிகள் மற்றும் உச்சரிப்புகளுடன் யதார்த்தமான குரல் பதிவாக மாற்றுகிறது.
வீடியோ
வீடியோ கிளிப் உருவாக்கம்
Firefly Video Editor உரையாடல் இன்டர்பேஸ் மூலம் வீடியோ கிளிப்களை உருவாக்க, ட்ரிம் செய்ய மற்றும் குரல் பதிவுகளைச் சேர்க்க உதவும் காலவரிசை அடிப்படையிலான ஆன்லைன் வீடியோ எடிட்டராகும். Prompt to Edit பின்னணியை ஒளிரச் செய் அல்லது வானத்திற்குச் சூரிய அஸ்தமன ஆரஞ்சு நிறம் கொடு போன்ற இயற்கையான மொழி கட்டளைகளைப் பயன்படுத்திப் படங்களைத் திருத்த உதவுகிறது. உயர்தரக் காட்சிகளுக்காக, Firefly Image Model 5 அறிமுகப்படுத்தப்பட்டுள்ளது. இது அடோபின் மிகவும் மேம்பட்டப் பட உருவாக்கும் மாதிரியாகும். இது 4MP தெளிவுத்திறன் கொண்டப் படங்களை உருவாக்குகிறது. Firefly Custom Models மூலம், படைப்பாளிகள் தங்கள் சொந்த பிராண்ட் பாணிகளில் Firefly க்குப் பயிற்சி அளித்து, காட்சித் தனித்துவத்தைப் பராமரிக்க முடியும்.