மிருகங்களை தெய்வங்களாக வணங்கும் வித்தியாசமான கோவில்கள்
மிருகங்களை தெய்வங்களாக வணங்கும் பழக்கம் இந்தியாவில் மட்டுமல்ல, உலகெங்கிலும் பல கோவில்களில் நடைபெறுகிறது. கோமாதாவாக பசுவையும், கருடனாக பருந்தையும், நந்தி தெய்வமாக காளையையும் நாம் வணங்குவதை போல, சில கோவில்களில் எலியையும், முதலையையும் கூட வணங்குகிறார்கள். ஆச்சரியமாக உள்ளதா? அந்த விசித்திர கோவில்கள் எங்கு உள்ளது என தெரிந்துகொள்ள தொடர்ந்து படியுங்கள். பசுக் கோயில்: இந்தியாவின் சிக்மகளூரில் உள்ள காமதேனு கோயில், இந்து புராணங்களில் தெய்வீகப் பசுவாக கருதப்படும், காமதேனுவுக்கு அர்ப்பணிக்கப்பட்டுள்ளது. காமதேனு, அனைத்து பசுக்களுக்கும் தாயாகவும், செழிப்பு, கருவுறுதல் மற்றும் ஊட்டச்சத்தின் தெய்வமாகவும் கருதப்படுகிறது. கேட்டதை தரும் ஆற்றல் படைத்த காமதேனுவின் அலையத்திற்கு வருகை தருபவர்களுக்கு, நல்ல அதிர்ஷ்டத்தையும் செழிப்பையும் கிடைப்பதாக நம்பப்படுகிறது.
முதலையும், பூனையும் தெய்வங்களாம்
முதலை கோவில், தாய்லாந்து: தாய்லாந்தில் உள்ள மே சாரியாங் நகரில் அமைந்துள்ள வாட் சோங் காம் கோவில். கோவிலை சுற்றி அமைந்துள்ள ஆற்றில் இருக்கும் முதலைகள் தான் மூலதெய்வம். இந்த கோவிலில் உள்ள துறவிகள் அங்குள்ள முதலைகளுக்கு தினசரி உணவுகளை அளிக்கின்றன. கோவிலுக்கு வரும் பார்வையாளர்கள் முதலைகளை அருகில் இருந்து பார்க்கவும், ஆற்றில் படகு சவாரியும் செய்யலாம். குரங்கு கோயில், நேபாளம்: காத்மாண்டு நகரின் மேற்கே, மலையின் மேல் அமைந்துள்ள ஸ்வயம்புநாத் ஸ்தூபா என்ற கோவிலில், அங்கு வசிக்கும் குரங்குகளை வணங்குகின்றனர். பூனைக் கோயில், ஜப்பான்: டோக்கியோவின் செட்டகயா வார்டில் அமைந்துள்ள கோடோகுஜி கோயில், பூனைகளுக்காக அர்ப்பணிக்கப்பட்ட புத்த கோயிலாகும். கர்னி மாதா கோயில், ராஜஸ்தான்:இங்கு எலிகளுக்கு உணவளித்து, கோவில் கட்டி வணங்குகின்றனர்.
இந்த காலவரிசையைப் பகிரவும்