பொங்கல் ஸ்பெஷல்: போகி பண்டிகையின் வரலாறு பற்றி காண்போம்
செய்தி முன்னோட்டம்
நான்கு நாள் பண்டிகையாக, தமிழர்கள் அனைவராலும் கொண்டாடப்படும் பொங்கல் விழா, போகி பண்டிகையில் ஆரம்பித்து, காணும் பொங்கல் வரை கொண்டாடப்படும்.
சூரிய பகவானை வணங்கி, உழவர்கள் கொண்டாடும், இந்த திருவிழா பற்றி காண்போம்.
வருடா வருடம், பொங்கல் விழா, தை முதல் நாள் துவங்குகிறது.
பொங்கல், என்பது அறுவடைக் காலத்தின் கொண்டாட்டமாகும். ஆடி மாதத்தில், விவசாயிகள் பயிரிட்ட பயிர்கள், தை மாதத்தில், நல்ல விளைச்சலை தர வேண்டியும், முந்தைய மாதங்களில் நல்ல விளைச்சல் வந்ததற்காகவும், எடுக்கப்படும் விழா.
தங்களுக்கு வாழ்வாதரத்திற்கு உதவிய பூமித்தாய்க்கும், இயற்கை அன்னைக்கும், மற்றும் விளைச்சலுக்கு உதவிய விலங்குகளுக்கும் நன்றி கூறி, கொண்டாடுவர்.
போகி பண்டிகை
போகி பண்டிகையின் வரலாறு
பொங்கல் விழாவின் முதல் நாள், போகி பண்டிகை ஆகும். மார்கழி மாதத்தின் கடைசி நாளை, போகி பண்டிகையாக கொண்டாடுவர்.
அந்நாளில், வீட்டை சுத்தம் செய்து, வெள்ளை அடித்து புதுப்பிப்பர். 'பழையன கழிதலும், புதியன புகுதலும்' என்ற சொல்லிற்கேற்ப, வீட்டில் உள்ள பழைய பொருட்களை, தீயிட்டு கொளுத்துவார்.
இதன் மூலம், ஐஸ்வர்யம் உண்டாகும் என்பது ஐதீகம்.
மாலை, கடவுளுக்கு பூஜை செய்து, நெய்வேத்தியம் செய்வது வழக்கம்.
இப்பண்டிகை, தென் இந்தியாவில் பரவலாக கொண்டாடப்படும்.
வட தமிழகத்தில், போகி திருநாள் அன்று, சிறுவர்கள் மேளம் அடித்து கொண்டாடும் பழக்கமும் உள்ளது.
வீட்டின் முன்வாசலில், கூரைப்பூ சொருகி வைத்து, மாவிலை தோரணம் கட்டுவர். இதன் மூலம், தங்கள் வீட்டில், பொங்கல் திருவிழா துவங்கி விட்டதென்று அறிவிப்பதாக ஐதீகம்.