குளிர் காலத்தில், வறட்சியாகும் சருமத்தை பாதுகாக்க எளிமையான வீட்டு வைத்தியம்!
செய்தி முன்னோட்டம்
குளிர் காலத்தில், பொதுவாக சருமம் ஈரப்பதத்தை இழந்து வறண்டு காணப்படும்.
நீங்கள் பயன்படுத்தும் சோப்புகள், நீண்ட நேரம் வெந்நீரில் குளிப்பது, குளிரான காலநிலை மாற்றங்கள் போன்ற பல காரணங்களால் சருமம் வறண்டு போக வாய்ப்புண்டு. இதைத் தடுக்க, சில வீட்டு குறிப்புகள் இதோ!
மூலிகை எண்ணெய்கள்: வறண்ட சருமத்திற்கு, கொழுப்பு அமிலம் நிறைந்த மூலிகை எண்ணெய்களை பயன்படுத்தலாம். இது சருமத்தில் ஈரப்பதத்தைத் தக்க வைத்துக் கொள்ள உதவுகிறது மற்றும் எரிச்சலைக் குறைக்கிறது.
ஆலிவ் எண்ணெய்-சர்க்கரை ஸ்க்ரப்: சர்க்கரையும், ஆலிவ் எண்ணெயையும், கலந்து ஸ்க்ரப் போல பயன்படுத்தவும். நன்கு மசாஜ் செய்து, ஸ்க்ரப் செய்யும் போது, சருமத்தில் உள்ள இறந்த செல்கள் நீங்கும். இதன் மூலம், சருமம் ஈரப்பதத்தை உறிஞ்சி கொள்ள முடியும்.
பராமரிப்பு டிப்ஸ்
மிருதுவான சருமத்தை பெற உதவும் வாழையும், கற்றாழையும்
தேங்காய் எண்ணெய்: படுக்கும் முன், தேங்காய் எண்ணெயை, மாய்ஸ்ச்சரைஸ்ரைப் போல பயன்படுத்தலாம். வெடிப்புள்ள கைகள் மற்றும் குதிகால் மீது பயன்படுத்துங்கள். பின்னர், தடிமனான, லேடெக்ஸ் அல்லாத சாக்ஸ்/கையுறைகளை கொண்டு மூடவும். இரவு முழுவதும் அந்த தேங்காய் எண்ணெய் பேக் இருப்பதால், உங்கள் சருமத்தின் ஈரப்பதம் மீட்டெடுக்கப்படும்.
வாழை-தேன் மாஸ்க்: வாழைப்பழத்தில் உள்ள ஆன்டிஆக்ஸிடன்ட்கள் மற்றும் பொட்டாசியம், உங்கள் சருமத்தை புத்துயிர் பெற செய்கிறது. மறுபுறம் தேன், பாக்டீரியா எதிர்ப்பு மற்றும் கிருமி நாசினிகள் குணங்கள் நிறைந்ததாகும். இது சருமத்தை, எண்ணெய் பிசுபிசுபின்றி, ஈரப்பதமாக்கும் ஆற்றல் பெற்றது.
கற்றாழை: வறண்ட சருமத்துக்கு அருமருந்தான கற்றாழை. மருத்துவ ரீதியாகவும், சருமப் பிரச்சனைகளுக்கு பயன்படுத்தப்படுகிறது. இதில் உள்ள பாலிசாக்கரைடுகள், சருமத்தின் ஈரப்பதத்தைத் தக்கவைக்க உதவுகின்றது.