வெயிலில் இருந்து உங்களை பாதுகாக்கும் சன்ஸ்கிரீனாக பயன்படும் சில இயற்கை பொருட்கள்
செய்தி முன்னோட்டம்
ஒருவரது சருமபராமரிப்பு பெட்டகத்தில் இருக்க வேண்டிய அவசியமான பொருட்களில் ஒன்று சன்ஸ்கிரீன். அது, உங்களை சூரிய ஒளியில் இருந்து பாதுகாத்து, வெயிலினால் ஏற்படும் சுருக்கங்கள், கோடுகள், மற்றும் புற ஊதாக் கதிர்களிலிருந்து சருமத்தைப் பாதுகாக்கிறது.
இரசாயனங்கள் நிறைந்த பல சன்ஸ்கிரீன்கள் சந்தையில் கிடைக்கின்றன. எனினும் நீங்கள் சில இயற்கை மற்றும் வீட்டு வைத்தியங்களையும் பயன்படுத்தலாம். அப்படி, சன்ஸ்கிரீன்களாக செயல்படும் சில இயற்கை பொருட்கள் இதோ:
தேங்காய் எண்ணெய்: எளிதில் கிடைக்கக்கூடிய, இயற்கையான சன்ஸ்கிரீன், தேங்காய் எண்ணெய் ஆகும். இது, சூரியனின் தீங்கு விளைவிக்கும் கதிர்களில், 20% த்தை தடுத்து, உங்கள் சருமத்தைப் பாதுகாக்கும். மேலும் இது சருமத்தில் உள்ள கறைகளை நீக்கி, உங்கள் சருமத்தை ஈரப்பதமாக்குகிறது மற்றும் வீக்கத்தைக் குறைக்கிறது.
சன்ஸ்கிரீன்
வைட்டமின் ஈ நிறைந்த எள் எண்ணெய் ஒரு சிறந்த சன்ஸ்கிரீன்
எள் எண்ணெய்: மற்றுமொரு சிறந்த இயற்கையான சன்ஸ்கிரீன்களில் ஒன்றான எள் எண்ணெய், சூரியனின் புற ஊதா கதிர்களில் 30% தடுக்கிறது. இதனால் உங்கள் சருமம் வெயில் பாதிப்பிலிருந்து தப்பிக்கிறது. ஆன்டிஆக்ஸிடன்ட்கள் நிறைந்த இந்த எண்ணெய், சருமத்தில் உள்ள ஃப்ரீ ரேடிக்கல்களை எதிர்த்துப் போராடுகிறது.
ஷியா பட்டர்: இது ஒருவகை வெண்ணெய் ஆகும். ஆனால், மிகக் குறுகிய நேரத்திற்கு வெளியே சென்றால் மட்டுமே சன்ஸ்கிரீனாகப் பயன்படுத்த முடியும், ஏனெனில் இதன் SPF மதிப்பு குறைவு. வைட்டமின்கள் ஏ, ஈ நிரம்பியுள்ள இந்த வெண்ணை,உணர்திறன் வாய்ந்த சருமத்திற்கு பயன்படுத்த ஏதுவானது.
கற்றாழை: பாக்டீரியா எதிர்ப்பு மற்றும் அழற்சி எதிர்ப்பு பண்புகள் நிறைந்த கற்றாழை, சருமத்தில் சிவத்தல், வெயில் எரிச்சல் மற்றும் வீக்கத்தைத் தடுப்பதில் சூப்பர் கில்லாடி.