அடிக்கடி ஷாம்பு உபயோகிப்பீர்களா? இந்த 4 பொருட்கள் உங்கள் ஷாம்பூவில் இல்லையென உறுதி செய்துகொள்ளுங்கள்!
ஆரோக்கியமான, பளபளப்பான கூந்தல் என்பது பலரது கனவு. அதற்காக பல்வேறு முயற்சிகளில் இறங்குவார்கள். ஹேர் பேக், சீரம், ஷாம்பு என பல வகை விளம்பரங்கள், நம்மை கவரும் வகையில் வெளிவந்த வண்ணம் உள்ளது. அப்படி சந்தையில் விற்கப்படும் ஷாம்புக்களை நீங்கள் வாங்கும் போது, அதில் சில பொருட்கள் இல்லை என்பதை உறுதி செய்துகொள்வது நல்லது என மருத்துவ ஆராய்ச்சியாளர்கள் கூறுகின்றனர். சல்பேட்ஸ்: எந்த ஷாம்பூவிலும் உள்ள அடிப்படை பொருட்களில் ஒன்றான சல்பேட், அதிக நுரையை உருவாக்க உதவும் ஒரு சோப்பு வகை ஆகும். அவற்றின் சுத்திகரிப்பு பண்புகள் காரணமாக அவை பயனுள்ளதாக கருதப்பட்டாலும், அதன் அதிகப்படியான பயன்பாடு, உங்கள் முடியை வறண்ட, தளர்வான, சிக்கலான மாற்றி, இறுதியில் உடைவதற்கு வழிவகுக்கும்.
முடி உதிர்விற்கு காரணமாகும் பாரபென்ஸ்
ஆல்கஹால்: இந்த மூலப்பொருள், சல்பேட்டுகளுடன் இணைந்தால், அது உங்கள் உச்சந்தலை மற்றும் முடியை வறண்டதாக மாற்றுவதோடு மட்டுமல்லாமல், இயற்கை எண்ணெய்களை அகற்றுவதற்கும் காரணமாகும் என்று கூறப்படுகிறது. இதன் அதிக பயன்பாடு, முடி உதிர்விற்கு வழிவகுக்கும். பாரபென்ஸ்: முடியின் ஈரப்பதத்தை உலர்த்துவது, உங்கள் உச்சந்தலையில் எரிச்சல் உண்டாக்குவது மற்றும் உங்கள் கூந்தலின் இயற்கை நிறத்தை மங்கச்செய்வது முதல் முடி உதிர்தலுக்கு வழிவகுக்கும் வரை, நீங்கள் விரும்பாத பல பிரச்சனைகளுக்கு முக்கிய காரணம் பராபென் தான். வாசனை திரவியங்கள்: எப்போதும் செயற்கை வாசனை திரவியங்கள் மற்றும் வண்ணங்களைத் தவிர்ப்பதை உறுதிப்படுத்திக் கொள்ளுங்கள். குறிப்பாக, உங்களுக்கு உணர்திறன் வாய்ந்த சருமம் இருந்தால், அவை கடுமையான உச்சந்தலையில் எரிச்சல் மற்றும் முடி உதிர்தலுக்கு காரணமாக இருக்கலாம்.
