முடி மாற்று அறுவை சிகிச்சையின் வகைகள் என்ன? அவற்றின் அபாயங்கள் மற்றும் பக்க விளைவுகள் பற்றிய சிறு தொகுப்பு
செய்தி முன்னோட்டம்
முடி மாற்று அறுவை சிகிச்சை என்பது, உங்கள் தலையில் முடியை, ஒரு இடத்திலிருந்து, மற்றொரு இடத்திற்கு நகர்த்துவதற்கு உபயோகிக்கும் சிகிச்சை முறையாகும்.
வழுக்கையை மறைக்கவும், முடி கொட்டுதலுக்கும் அளிக்கப்படும் ஒரு மாற்று வழி தான் இது. இந்த முடி மாற்று அறுவை சிகிச்சைகள் குறித்து சிறு தொகுப்பு இதோ:
முடி மாற்று அறுவை சிகிச்சையில், ஆரோக்கியமான முடியை கொண்ட சிறிய தோல் பகுதி எடுக்கப்பட்டு, உங்களுக்கு சிகிச்சை தேவைப்படும் இடத்தில் பொருத்தப்படும். பொதுவாக, பின் தலையில் முடி வளர்ச்சி அடர்த்தியாக இருக்கும் என்பதால் அங்கிருந்து தோல் பகுதி எடுக்கப்படும்.
முடி மாற்றம் செய்த பகுதி குணமடைந்தவுடன், முடி வளர்கிறது.
நடைமுறையில், 4 வகையான முடிமாற்று அறுவை சிகிச்சைகள் அங்கீகரிக்கப்பட்டுள்ளது.
மருத்துவம்
முடிமாற்று அறுவை சிகிச்சைக்கும் பக்கவிளைவுகள் இருக்கலாம்
அறுவை சிகிச்சை செய்யப்பட்ட பகுதிகளில் நோயாளிகள், அரிப்பு, உணர்வு இழப்பு, வலி அல்லது தடித்தல் போன்றவற்றை அனுபவிக்கலாம்.
பெரும்பாலும், முடி மாற்று அறுவை சிகிச்சையின் பக்க விளைவுகள் அனைத்தும் தற்காலிகமானவை மற்றும் குணப்படுத்தக்கூடியவை.
எந்தவொரு அறுவை சிகிச்சையையும் போலவே, முடி மாற்று அறுவை சிகிச்சைக்கும் சில சாத்தியமான ஆபத்துகள் உள்ளன.
பொதுவாக சிலருக்கு ஒவ்வாமை, நோய் தொற்று, வடுக்கள் உண்டாகலாம்.
அரிதாக சிலருக்கு, அறுவை சிகிச்சையின் போது அதிகப்படியான ரத்த இழப்பு ஏற்படலாம்.
சிலருக்கு தவறான சிகிச்சைக்கு பின்னர், உச்சந்தலையில் உணர்வு இழப்பு கூட ஏற்படலாம்.
இவையனைத்தும் சாத்தியமான ஆபத்துகள் எனினும், அனைவருக்குமே நிகழும் என்பது கிடையாது. இந்த ஆபத்துகளை தவிர்க்க, அங்கீகரிக்கப்பட்ட முடி மாற்று மருத்துவரை அணுகவும்.