தைராய்டு விழிப்புணர்வு மாதம்: ஹைப்போ தைராய்டிசத்தின் பொதுவான அறிகுறிகளை அறிந்து கொள்வோம்
ஒவ்வொரு ஆண்டும், ஜனவரி மாதம், தைராய்டு விழிப்புணர்வு மாதமாக அறிவிக்கப்பட்டுள்ளது. இந்த தைராய்டு சுரப்பி, நமது ஒட்டுமொத்த உடல் ஆரோக்கியம் மற்றும் நல்வாழ்வுக்கான முக்கிய ஹார்மோன்களை உற்பத்தி செய்யும் உறுப்பாகும். "பெண்களுக்கு, ஆண்களை விட தைராய்டு கோளாறு வருவதற்கான வாய்ப்பு 5 முதல் 8 மடங்கு அதிகம். எனினும், இது எந்த வயதினரையும் பாதிக்கலாம்" என்று மருத்துவர்கள் கூறுகின்றனர். தைராய்டு குறைபாட்டில் இரண்டு வகை உண்டு: ஹைப்போ தைராய்டிசம் - தைராய்டு சுரப்பியில் இருந்து தைராய்டு ஹார்மோன் குறைவாக சுரப்பது அல்லது சுரக்காமல் இருப்பது; ஹைப்பர் தைராய்டிசம் - தைராய்டு சுரப்பியில் இருந்து ஹார்மோன் அதிகமாக சுரப்பது.
ஹைப்போ தைராய்டிசம் அறிகுறிகள்
ஹைப்போ தைராய்டிசம் எச்சரிக்கை அறிகுறிகள் பின்வருமாறு: தீவிரமான உடல் மற்றும் மன சோர்வு மலச்சிக்கல், பசியின்மை திடீர் எடை அதிகரிப்பு, முக வீக்கம் குறைவான மற்றும் சீரற்ற இதயத் துடிப்பு உலர்ந்த/வறண்ட சருமம், கடுமையான முடி உதிர்வு தசை விறைப்பு, பலவீனம் அல்லது தசை வலி மூட்டு மற்றும் எலும்புகளில் ஏற்படும் வலி நினைவாற்றல் குறைபாடு இந்த அறிகுறிகளில் ஏதேனும் இருந்தால் உடனடியாக, உங்கள் மருத்துவரிடம் தெரிவியுங்கள். உங்களுக்கு தைராய்டு கோளாறு உள்ளதா என்பதை அறிய, அவர்கள் இரத்த பரிசோதனை மூலம் தெரிந்து கொள்ளலாம்.
