கிருஷ்ணஜெயந்தி: விழாவின் நோக்கமும், பலகாரங்களின் பின்னணியும்
செய்தி முன்னோட்டம்
இன்று இந்து கடவுளான கிருஷ்ணனின் பிறந்தநாள். இந்த நாளை கிருஷ்ணஜெயந்தி எனக்கொண்டாடுகிறார்கள் இந்து மதத்தவர்கள். ஒவ்வொரு ஆண்டும், ஆவணி மாதம் பௌர்ணமி தினத்திற்கு பின்னர் வரும் அஷ்டமி திதியை, 'கிருஷ்ண ஜெயந்தி' என கொண்டாடப்படுகின்றது. இந்த நாளில் காலையில் எழுந்து நீராடி, திலகம் அணிந்து கிருஷ்ணரை வழிபட வேண்டும். இந்த தினத்தில் மூன்றே முக்கால் நாளிகையாவது (ஒரு நாளிகை 24 நிமிடங்கள்) விரதம் இருப்பது நல்லது. இதனால் நாம் மூன்று பிறவிகளில் செய்த பாவங்கள் தீரும் எனக்கூறுகிறது வேதங்கள். கிருஷ்ணன் பிறந்த போது, அவரது தாயார் தேவகி மற்றும் தந்தை வசுதேவரும், இவர்களுக்கு துணையாக சந்திரனும் தான் விழித்திருந்ததாக ஐதீகம். அதனால், சூரிய அஸ்தமனத்திற்கு பிறகே, இறைவனை வணங்க வேண்டும் எனவும் கூறுகிறார்கள்
card 2
கிருஷ்ண ஜெயந்தி பலகாரங்கள் என்ன?
ஆயர்குலத்தில் வளர்ந்த கண்ணனுக்கு, பால், வெண்ணை மற்றும் அதில் செய்த இனிப்புகளும், பலகாரங்களும் மிகவும் பிடிக்கும். அதனாலேயே, வெண்ணையும், தயிரும், நிச்சயம் பலகாரத்தில் இடம்பிடித்திருக்கும். இதோடு, வெண்ணை கலந்து செய்யப்படும் முறுக்கு, சீடை, சோமாஸ், அவல் பாயசம் போன்றவற்றை இறைவனுக்கு படைக்கலாம். வடநாட்டில், பிரபலமான வெண்ணை கலந்து செய்யப்படும், குர் கி ரொட்டி, தயிர் வடை, கீர் எனப்படும் பாயசம் போன்றவை படைப்பார்கள். இதுமட்டுமின்றி, குழந்தைகளுக்கு கிருஷ்ணன் மற்றும் ராதா வேஷம் அணிந்து ஆடல் பாடலுடன் கோலாகலமாக கொண்டாடுவார்கள்.