விநாயகர் சதுர்த்தி 2023: செய்யக்கூடியவை மற்றும் செய்யக்கூடாதவைகள்
செய்தி முன்னோட்டம்
2023ஆம் ஆண்டின் விநாயகர் சதுர்த்தி நாளை வெகு விமரிசையாக கொண்டாடப்பட இருக்கிறது. இந்நிலையில், விநாயகர் சதுர்த்தி அன்று செய்யக்கூடியவைகள் மற்றும் செய்யக்கூடாதவைகள் குறித்து இப்போது பார்க்கலாம். விநாயகர் சதுர்த்தி அன்று செய்யக்கூடியவைகள்: இயற்கைக்கு பாதகமில்லாத களிமண் அல்லது இயற்கை பொருட்களால் ஆன விநாயகர் சிலைகளை மட்டுமே நீர்நிலைகளில் கரைக்க வேண்டும். விநாயகர் சிலை/படம் வைக்கும் இடத்தையும் பூஜை அறையையும் காலையிலேயே எழுந்து சுத்தம் செய்ய வேண்டும். நாளை முழுவதும் நல்லதை மட்டுமே நினைத்து நல்லதை மட்டுமே பேச வேண்டும். விநாயகருக்கு பிடித்த மோதகம் செய்து வழிபடுவது அவசியம். வீட்டில் உள்ள அனைவரும் நாளை காலை சீக்கிரமே எழுந்து, குளித்து விட்டு பூஜைக்கு தயாராவது வீட்டை லட்சுமி கடாட்சியத்துடன் வைத்திருக்கும்.
cnk
விநாயகர் சதுர்த்தி அன்று செய்யக்கூடாதவைகள்:
பிளாஸ்டர் ஆப் பாரீஸ் போன்ற இயற்கைக்கு பாதகமான பொருட்களால் செய்யப்பட்ட விநாயகர் சிலையை நீர் நிலைகளில் கரைக்கக்கூடாது. இயற்கையை கெடுக்கும் எதுவும் இறைவனுக்கு புறம்பானது என்பதை நினைவில் வைத்து கொள்ள வேண்டும். இயற்கையான பூக்களையும் இலைகளையும் விநாயரை அலங்கரிக்க பயன்படுத்துவது தான் நல்லது. விநாயகர் சதுர்த்தி கொண்டாட்டத்தின் போது, குப்பைகளை கண்ட இடத்தில் வீசாமல், குப்பை தொட்டிகளில் வீச வேண்டும். விநாயகர் செல்லும் இடமெல்லாம் கோவில் தான். அதனால், தெருவை குப்பைகூளம் ஆக்குவது கோவிலை குப்பை ஆக்குவதற்கு சமம். பட்டாசுகள் மற்றும் வெடிகளை போடும் போது, அது தெரு விலங்குகளுக்கு பாதகம் இல்லாமல் இருப்பதை உறுதி செய்யவேண்டும். யானை முகத்தானின் நண்பர்களை தொந்தரவு செய்தால் அவனுக்கு கோபம் வந்துவிடும் என்பதை மறக்க வேண்டாம்.