ட்விட்டரில் நடைபெறும் பிரியாணி சண்டை: கொல்கத்தா, லக்னோ பிரியாணியை ருசியால் முந்திய திண்டுக்கல் பிரியாணி!
இந்தியாவில் அனேகரால் விரும்பக்கூடிய ஒரு உணவு உண்டென்றால் அது, பிரியாணியாக தான் இருக்கமுடியும். இந்தியாவில் பல பிராந்தியங்களில், பிரியாணிகள் பிரபலமாக உள்ளது. லக்னோ, ஹைதராபாதி, திண்டுக்கல் என பிரியாணிக்கென்றே பெயர்போன ஊர்கள் உள்ளன. சமீபத்தில், யூனுஸ் லசனியா என்ற ட்விட்டர் பயனர் ஒருவர், ஒரு புகைப்படத்தை பதிவிட்டு போட்டிருந்த ட்வீட் ஒன்று, தற்போது பிராந்திய சண்டையில் முடியும் நிலையில் உள்ளது. யூனுஸ் லசனியா, சென்னையில் உள்ள "ஈரோடு அம்மன் மெஸ்" என்ற கடையிலிருந்து பெறப்பட்ட பிரியாணி மற்ற பிராணிகளை விட ருசியில் அபாரமாக உள்ளது என அவர் பதிவிட்டிருந்தார். அதற்கு ஒருவர், "பாஸ்மதி அரிசியில் சமைக்காத எதையும் பிரியாணியாகவே கருதக்கூடாது" எனக்கூறினார். மறுபுறம், திண்டுக்கல் பிரியாணி பிரியர்கள் சிலர், இவருக்கு ஆதரவாக இறங்கினர்.
