எலும்பு மற்றும் மூட்டு பாதிப்புகளை அதிகரிக்கும் நீரிழிவு நோய்; தற்காத்துக் கொள்வது எப்படி?
செய்தி முன்னோட்டம்
பொதுவாக இதய நோய்களுடன் தொடர்புடைய நீரிழிவு நோய், எலும்பு மற்றும் மூட்டு ஆரோக்கியத்திற்கும் கடுமையான அச்சுறுத்தலை ஏற்படுத்துகிறது.
சுகாதார நிபுணர்கள் இதுகுறித்து கூறுகையில், ஹைப்பர் கிளைசீமியா அல்லது உயர் இரத்த சர்க்கரை அளவுகள் எலும்புகளை பலவீனப்படுத்துகின்றன என்றும் அவை மூட்டு வலியை ஏற்படுத்துகின்றன என்றும் எச்சரிக்கின்றனர்.
மேலும் நீரிழிவு நோய் இவற்றை குணப்படுத்துவதையும் மெதுவாக்குகின்றன. கீல்வாதம் மற்றும் உறைந்த தோள்பட்டை போன்ற நிலைமைகளின் அபாயத்தை அதிகரிக்கின்றன.
நீரிழிவு எலும்பு உருவாக்கம் மற்றும் முறிவுக்கு இடையிலான சமநிலையை சீர்குலைத்து, எலும்பு அடர்த்தி குறைவதற்கும் எலும்பு முறிவுகள் ஏற்படுவதற்கும் அதிக வாய்ப்புள்ளது.
இது மூட்டு வீக்கம், விறைப்பு மற்றும் இயக்கம் தொடர்பான பிரச்சினைகளையும் ஏற்படுத்துகிறது, இதனால் அன்றாட பணிகள் சவாலானவையாக மாறும் நிலை ஏற்படலாம்.
எடை
எடை அதிகரிப்பால் அதிகரிக்கும் கீல்வாதம்
எலும்பு முறிவுகள் மற்றும் மூட்டு காயங்களிலிருந்து குணமடைவதை மோசமான இரத்த ஓட்டம் மேலும் தாமதப்படுத்துகிறது.
கூடுதலாக, நீரிழிவு நோயில் ஒரு பொதுவான பிரச்சினையான அதிகப்படியான எடை, குறிப்பாக முழங்கால்களில் கீல்வாதத்தை அதிகரிக்கிறது.
நீரிழிவு நோயாளிகள் இணைப்பு திசுக்கள் பலவீனமடைவதால் உறைந்த தோள்பட்டை மற்றும் தசைநார் காயங்களுக்கும் ஆளாகிறார்கள்.
எலும்பு மற்றும் மூட்டு ஆரோக்கியத்தை பராமரிக்க, பால் பொருட்கள், இலை கீரைகள், கொட்டைகள் மற்றும் மீன் உள்ளிட்ட கால்சியம் மற்றும் வைட்டமின் நிறைந்த உணவை நிபுணர்கள் பரிந்துரைக்கின்றனர்.
அதே நேரத்தில் சர்க்கரை மற்றும் சுத்திகரிக்கப்பட்ட கார்போஹைட்ரேட்டுகள் அதிகம் உள்ள பதப்படுத்தப்பட்ட உணவுகளைத் தவிர்க்க வேண்டும்.
உடற்பயிற்சி
எலும்புகளை வலுப்படுத்தும் உடற்பயிற்சிகள்
நடைபயிற்சி, யோகா, சைக்கிள் ஓட்டுதல் மற்றும் நீச்சல் போன்ற எடை தாங்கும் உடற்பயிற்சிகள் மூட்டு நெகிழ்வுத்தன்மையையும் எலும்பு வலிமையையும் அதிகரிக்கும்.
புகைபிடித்தல் மற்றும் மது அருந்துவதை நிறுத்துதல், ஆரோக்கியமான எடையை பராமரிப்பது உள்ளிட்ட வாழ்க்கை முறை மாற்றங்களும் மிக முக்கியமானவையாகும்.
கடுமையான நிகழ்வுகளுக்கு, ரோபோடிக் முழங்கால் மாற்று மற்றும் ஆர்த்ரோஸ்கோபிக் நடைமுறைகள் போன்ற மேம்பட்ட சிகிச்சைகள் பயனுள்ள தீர்வுகளை வழங்குகின்றன.
நீரிழிவு தொடர்பான எலும்பு மற்றும் மூட்டு சிக்கல்களை முன்கூட்டியே கண்டறிந்து தடுப்பதற்கு வழக்கமான எலும்பு ஸ்கேன்கள் மற்றும் மூட்டு பரிசோதனைகள் அவசியமாகும்.